Mamlakatimizga Ozarbayjon Respublikasi Prezidenti huzuridagi Davlat xizmati va ijtimoiy innovatsiyalar boʻyicha davlat agentligi raisi Ulvi Mextiyev boshchiligidagi delegatsiya tashrif buyurdi.
4-oktyabr kuni delegatsiya vakillari Toshkent shahridagi Prezident Xalq qabulxonasi faoliyati bilan yaqindan tanishdi.
Mehmonlarga Prezident Xalq qabulxonasining yuridik va jismoniy shaxslar murojaatlari bilan ishlash borasida olib borayotgan ishlari haqida maʼlumot berildi. Qayd etilganidek, bu yerdagi mutaxassislar amaldagi qonun hujjatlari boʻyicha zarur bilimga ega, aholi bilan ishlashda tajribasi yetarli.
Aholiga yanada qulay sharoit yaratish maqsadida poytaxt tumanlaridagi Xalq qabulxonalari Davlat xizmatlari markazlari bilan bir binoda joylashgan. Bu fuqarolarning davlat xizmatlari sohasiga oid masalalarini bitta joyda hal etish imkonini beradi.
Muloqot chogʻida Ozarbayjon Respublikasi Prezidenti huzuridagi Davlat xizmati va ijtimoiy innovatsiyalar boʻyicha davlat agentligi raisi Ulvi Mextiyev Xalq qabulxonasidagi tibbiyot, ona va bola xonalari hamda fuqarolarni qabul qilish uchun yaratilgan sharoitlarni ijobiy baholadi. Uning qayd etishicha, fuqaro murojaatlari bilan ishlash juda qiyin jarayon, lekin sharaflidir. Mamlakatimizda fuqarolarning murojaatlarini oʻrganish va unga yechim topishga yordam beradigan bu kabi idoralar inson huquqlarini himoya qilish va kafolatlashda muhim ahamiyatga ega.
Shu kuni Oʻzbekiston Respublikasi Adliya vazirligi huzuridagi Davlat xizmatlari agentligi va Ozarbayjon Respublikasi Prezidenti huzuridagi Davlat xizmati va ijtimoiy innovatsiyalar boʻyicha davlat agentligi oʻrtasida mamlakatimizda Davlat xizmatlari markazlarini (DXM) rivojlantirish boʻyicha oʻzaro anglashuv memorandumi imzolandi.
Mazkur hujjat DXM xodimlarining malakasini oshirish, xizmatlar koʻrsatish jarayoni va boshqa tegishli yoʻnalishlar boʻyicha treninglarni tashkil etish, amaliyot-tajriba almashish, davlat xizmatlari koʻrsatish sohasidagi dolzarb muammolar va ularni bartaraf etishning konsepsiyalari va samarali boshqaruv mexanizmlari boʻyicha qoʻshma konferensiyalar, seminarlar va davra suhbatlari oʻtkazish kabi chora-tadbirlarni oʻz ichiga oladi.
Tashrif doirasida Ozarbayjon delegatsiyasi poytaxtimizning Chilonzor tumani Davlat xizmatlari markazi yangi binosi qurilishi jarayoni bilan ham tanishdi.
Malohat HUSANOVA,Temur MAMADAMINOV (surat), OʻzA
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |