2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Sayyor qabulda murojaatlar joyida hal etildi

Jizzax viloyatining Mirzachoʻl tumanida Oʻzbekiston Milliy Axborot agentligi – OʻzA Bosh direktori oʻrinbosari A. Oʻrozov sayyor qabul oʻtkazdi.

Tuman xalq qabulxonasida tashkil qilingan sayyor qabulga oʻn chogʻli fuqaro murojaat qildi. Murojaatlarning beshtasi bankdan kredit olish, uchtasi ishga joylashish bittasi moddiy yordam, bittasi tomorqasini oqar suv bilan taʼminlash masalasida boʻldi.

 

Yerjar mahallasida Goʻzal Odilova “Har bir oila tadbirkor” dasturi asosida bankdan yillik 8 foizli imtiyozli kredit olishda yordam soʻradi. Yana ikki kishining murojaati shu mazmunda boʻldi. Sayyor qabulda qatnashgan tumandagi “Agrobank”, “Xalq” banki boʻlimlari vakillari ayni paytda resurs yoʻqligi uchun oilaviy tadbirkorlik uchun kreditlar ajratish toʻxtab turganligini maʼlum qildi. Shu bois hozircha bu muammoni hal etish tuman banklariga bogʻliq boʻlmay turibdi.

 

Ishga joylashishda yordam soʻrab murojaat qilgan uch nafar qiz “Mirzachoʻl tikuvchilik majmuasi”da ishga joylanadigan boʻldi.

 

– Korxonaning ikkinchi navbati ishga tushirilishi bilan yangi ish oʻrinlariga xotin-qizlarni qabul qilish boshlanadi, – tuman Xalq qabulxonasi mudiri Ilhom Nurmonov. – Korxona maʼmuriyati bilan ishga joylashishda koʻmak soʻrab murojaat qilganlarni ularga yuborishga kelishganmiz. Xotin-qizlarni ish bilan taʼminlashda, alohida mutaxassisliklarni hisobga olmaganda, muammo yoʻq.

 

Boshqa murojaatlar tegishli tashkilotlarga yuborilib, ijrosi nazoratga olindi.

 

T. BEKNAZAROV, J. YORBEKOV (surat), OʻzA

08.09.2019

Foydali resurslar