2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
256 oila uy to‘ylarini nishonladi

Andijon shahridagi “O‘zbegim” mahallasida yetti qavatli, har biri 64 xonadondan iborat 4 ta yangi uy foydalanishga topshirildi.

Shu munosabat bilan o‘tkazilgan tadbirda mamlakatimizda eskirgan uy-joylarda yashayotgan va uy-joy sharoitlarini yaxshilashga muhtoj aholi vakillarini arzon, qulay, zamonaviy uy-joylar bilan ta’minlash, ularning turmush darajasini yanada yaxshilash borasida keng ko‘lamli ishlar olib borilayotgani ta’kidlandi.

 

1.jpg

 

Andijon shahridagi “Xoqon avtoinvest” mas’uliyati cheklangan jamiyati quruvchilari tomonidan barpo etilgan ko‘p qavatli zamonaviy uylar eng ulug‘, eng aziz bayramimiz davlatimiz mustaqilligining 28 yillik bayramida uy sohiblari uchun haqiqiy sovg‘a bo‘ldi.

 

– Bayram bizga qo‘shaloq keldi, yangi uy egasiga aylandik, – deydi Sayyoraxon Qosimova. – Bir necha yildan buyon harakat qilsak-da, yangi uy sotib olishga imkon topolmayotgan edik. Muhtaram Prezidentimiz tashabbusi bilan ko‘p qavatli arzon uylar barpo etilayotgani muammoimizni hal etishga yordam berdi.

 

4-faqat saytga.jpg

 

Ikki va uch xonali xonadonlardan iborat uylarda barcha qulayliklar yaratilgan, har biri alohida isitish tizimiga ega. Uylar oldida bolalar uchun jihozlangan o‘yin maydonchalari, savdo do‘koni, avtoturargoh barpo etilgan.

 

Mamlakatimizda aholi uchun yaratib berilayotgan keng imkoniyatlar, inson manfaatlarining ulug‘lanishiga qaratilgan e’tibor va g‘amxo‘rlikning yorqin namunasidir.

04.09.2019

Foydali resurslar