2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Ruslanbek Davletov Ohangaron tumanida tashkil etilgan sayyor qabulda ishtirok etdi

Toshkent viloyatining Ohangaron shahrida fuqarolarning dardu tashvishlarini tinglash, mavjud masala va muammolarni oʻrganish va ularni yechishga yaqindan koʻmaklashish maqsadida Prezident Administratsiyasi tomonidan sayyor qabul tashkil etildi.

Ushbu sayyor qabulda turli vazirlik va idoralar rahbarlari qatorida adliya vaziri Ruslanbek Davletov ham ishtirok etdi.

 

Fuqarolar qabul davomida asosan uy-joy buzilganda toʻlanadigan kompensatsiya, bandlik, moddiy yordam, uy-joy, pensiya, meros olish uchun hujjatlarni rasmiylashtirish masalalari bilan murojaat qilishdi.

 

Ayrim murojaatlar joyida hal etilib, koʻplab masalalar boʻyicha yuridik maslahatlar berildi. Qoʻshimcha oʻrganishni talab etadigan murojaatlar nazoratga olinadi.

 

Ishtirokchilar fikriga koʻra, barcha darajadagi rahbarlarning aholi bilan bevosita muloqotga kirishishi, ayniqsa, sayyor qabullar orqali murojaatchilar huzuriga borishi xalqimizning adolatga, davlatga, ertangi kuniga boʻlgan ishonchini mustahkamlashga xizmat qilmoqda.

 

Adliya vazirligi

Jamoatchilik bilan aloqalar boʻlimi

25.07.2019

Foydali resurslar