Buxoro, Vobkent, Gʻijduvon, Jondor, Kogon, Qorakoʻl, Qorovulbozor, Olot, Peshkoʻ, Romitan, Shofirkon tumanlari hamda Buxoro va Kogon shaharlarida Bosh prokuratura, Oliy sud, Adliya, Bandlik va mehnat munosabatlari, Uy-joy kommunal xizmat koʻrsatish va Ichki ishlar vazirliklari, Yer resurslari, geodeziya, kartografiya va davlat kadastri boʻyicha Davlat qoʻmitasi, “Oʻztransgaz” AJ , Majburiy ijro byurosi hamda Markaziy bank masʼul rahbarlari, shuningdek, hududiy sektor rahbarlari ishtirokida ommaviy sayyor qabullar tashkil etildi.

Jumladan, 5159 ta murojaat qabullar jarayonida joyida hal qilingan yoki huquqiy maslahat va maʼlumot berish orqali hal qilingan boʻlsa, 4136 ta (44.49%) masala Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni talabi koʻra tegishliligi boʻyicha hududiy yoki respublika darajasidagi tashkilot va idoralarga yoʻnaltirildi va nazoratga olindi.

Chekka va olis qishloq aholisining ham dolzarb muammolarini inobatga olgan holda sayyor qabullar haqida fuqarolarni oldindan ogohlantirdi. Xususan, shu tartibda viloyat sektor rahbarlarining 51-marta, tuman va shahar sektor rahbarlarining 605-marta ommaviy sayyor qabullari oʻtkazilishi taʼminlandi. Birgina viloyat hokimi Oʻ.I.Barnoyev, 1-sektor rahbari qabulida boʻlgan 1139 nafar fuqarodan 706 nafarining (61.98%) murojaati ijobiy hal etildi.

OʻzA