“Fuqarolar emas hujjatlar harakatlanadi” tamoyili asosida bugungi kunda Davlat xizmatlari markazlari tomonidan aholiga tez, sifatli va shaffof davlat xizmatlarini ko‘rsatish bo‘yicha izchil chora-tadbirlar amalga oshirib kelinmoqda.

Murojaatchilarning talab va istaklaridan, ko‘p marotabali murojaatlaridan kelib chiqqan holda, ularga yanada qulayliklar yaratish maqsadida Toshkent shahridagi Davlat xizmatlari markazlari 6 kunlik ish tartibiga o‘tkazildi.

Endilikda haftaning shanba kunlari soat 9:00 dan 18:00 ga qadarToshkent shahridagi Davlat xizmatlari markazlari jismoniy va yuridik shaxslarga to‘liq xizmat ko‘rsatadilar.

Oybek XASANOV,
Davlat xizmatlari agentligi
Toshkent shahar boshqarmachi Bosh maslahatchisi

O‘zA