Davlat organlariga qilinadigan murojaatlarning barchasi O‘zbekiston Respublikasi Prezidentining Virtual qabulxonasi - pm.gov.uz manzili orqali qabul qilinadi.

O‘zbekiston Respublikasi Prezidentining Virtual qabulxonasi faoliyatini yanada takomillashtirish, jismoniy va yuridik shaxslar uchun davlat organlariga murojaat qilishda qo‘shimcha qulayliklar yaratish maqsadida, 2018 yil 1-fevraldan e’tiboran O‘zbekiston Respublikasi Prezidenti Virtual qabulxonasi axborot tizimining yangi talqini ishga tushirildi.

O‘zbekiston Respublikasi Prezidenti Virtual qabulxonasining yangi axborot tizimi jismoniy va yuridik shaxslarga o‘z murojaatlarini Internet tarmog‘idagi pm.gov.uz manzilidagi veb-sayt orqali davlat organlarining rahbarlariga bevosita yuborish imkoniyatini beradi.

Yuqoridagilardan kelib chiqib, davlat organlarida murojaatlar bilan ishlash samaradorligi va shaffofligini oshirish, bir-birini takrorlovchi tizimlarni qisqartirish, davlat organlariga kelib tushayotgan barcha murojaatlar to‘g‘risidagi ma’lumotlarni yagona tizim doirasida birlashtirishni ta’minlash maqsadida davlat organlarining rasmiy veb-saytlarida yaratilgan virtual qabulxona tizimlarining faoliyatini joriy yilning 25 fevraliga qadar to‘xtatiladi.

Davlat organlariga qilinadigan murojaatlarning barchasi O‘zbekiston Respublikasi Prezidentining Virtual qabulxonasi - pm.gov.uz manzili orqali qabul qilinadi.