Toshkent viloyatida joriy yil 460 dan ortiq maktabgacha taʼlim muassasasi tashkil etiladi.
Viloyatning joriy yilga moʻljallangan “Yoʻl xaritasi”da “Obod qishloq“ va “Obod mahalla“ dasturlari doirasida 17 ta, Investitsiya dasturi asosida 1 ta, shuningdek, 250 ta oilaviy nodavlat, 121 ta xususiy, 77 ta davlat-xususiy sheriklik asosidagi maktabgacha taʼlim muassasasi faoliyatini yoʻlga qoʻyish rejalashtirilgan.
Maʼlumotlarga koʻra, ayni paytda viloyatda bogʻcha yoshidagi bolalar soni qariyb 200 ming nafar. 710 dan ortiq maktabgacha taʼlim muassasasida 81 mingdan ziyod oʻgʻil-qiz tarbiyalanayotir. 2018 yil boshida bolalarni bogʻchaga qamrab olish darajasi salkam 32 foiz boʻlgan boʻlsa, 235 ta maktabgacha taʼlim muassasasi faoliyatini yoʻlga qoʻyish orqali bu koʻrsatkich yil yakunida 41 foizdan oshgan.
– Keyingi yillarda bogʻchalarning moddiy-texnik bazasi, ayniqsa, qishloq joylarda bolalarni maktabgacha taʼlimga qamrab olish darajasi achinarli holga kelib qolgan edi, – deydi viloyat hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari Odiljon Tojiyev. – Prezidentimiz tashabbusi bilan tizim qayta tiklanmoqda. Xususan, davlatimiz rahbarining sohani tubdan takomillashtirishga doir farmon va qarorlari bilan tadbirkorlarga keng imkoniyatlar yaratildi, tizimga xususiy sektor vakillari kirib keldi. Natijada tizimda son va sifat jihatidan jiddiy oʻsish kuzatildi. Birgina misol, joriy yil viloyatda 38 mingdan ortiq bolani qamrab olish imkoniyatiga ega 466 ta maktabgacha taʼlim muassasasi tashkil etish rejalashtirilgan boʻlsa, ularning 90 foizdan ortigʻida aynan xususiy sektor vakillari ishtiroki mavjud.
Hisob-kitoblarga koʻra, bu borada belgilangan rejalar toʻliq amalga oshirilgach, yil yakuniga borib bogʻcha yoshidagi bolalarning 60 foizdan ziyodi maktabgacha taʼlimga qamrab olinadi.
Bu yil viloyatda Investitsiya dasturi doirasida 43 ta maktabgacha taʼlim muassasasi joriy va kapital taʼmirlanadi.
Avazbek Xudoyqulov, OʻzA
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |