Majburiy ijro byurosi Qoraqalpog‘iston Respublikasi Amudaryo tuman bo‘limi xodimlari tomonidan hamkor tashkilotlar bilan birgalikda olib borilgan targ‘ibot ishlari natijasida yana bir oila yarashtirildi.

Fuqarolik ishlari bo‘yicha Amudaryo tuman sudining 2023 yil 27 oktyabrdagi buyrug‘i asosida S.S.ning foydasiga uning tarbiyasidagi ikki nafar voyaga yetmagan farzandining ta’minoti uchun qarzdor K.J.ning har oydagi jami daromadining 1/3 qismi miqdorida aliment undirish belgilangan edi. Ushbu sud buyrug‘i asosida Majburiy ijro byurosi Amudaryo tuman bo‘limi davlat ijrochisi tomonidan ijro harakatlari olib borildi. Xususan, aliment to‘lovchi va oluvchi yashaydigan mahalla raisi bilan birgalikda ajrashgan oilani yarashtirish bo‘yicha targ‘ibot ishlari olib borilgan.

Natijada undiruvchi va qarzdor Byuroning Amudaryo tuman bo‘limiga kelib, hozirgi kunda birga yashayotganligini bildirdi va aliment undirish haqidagi sud qarori ijrosini tugatishni so‘rab iltimosnoma berdi. Hozirda, voyaga yetmagan farzandlar to‘laqonli oilaviy muhitda voyaga yetmoqda.