Ijtimoiy himoya milliy agentligi respublika ishchi guruhi tomonidan Surxondaryo viloyatining barcha tumanlarida yakka yolg‘iz va nogironligi bo‘lgan fuqarolar holidan xabar olindi va ularning muammolari tinglandi.

Ta’kidlash kerak, aholi murojaatlari bilan ishlash, fuqarolarni qiynab kelayotgan muammolarga huquqiy yechim topish maqsadida Ijtimoiy himoya milliy agentligi tomonidan aniq chora-tadbirlar asosida hududlarda uyma-uy yurish orqali ham murojaatlar o‘z yechimini topmoqda. 

Ishchi guruh viloyat markazidan 195 kilometr uzoqlikdagi Machay qishlog‘i va uning atrofidagi qishloqlarda ijtimoiy himoyaga muhtoj aholi bilan suhbatda bo‘lib, ularni qiynayotgan ijtimoiy muammolarni bartaraf etishga alohida e’tibor qaratdi. Murojaatlarning aksariyati joyida o‘z yechimini topdi.

O‘rganishlar viloyatning barcha tumanlarini qamrab oldi.