Davlatimiz rahbari topshirig‘iga asosan Prezident maslahatchisi o‘rinbosari – Xalq qabulxonasi rahbari Ulug‘bek Muhammadiyev boshchiligidagi Respublika ishchi guruhi Orolbo‘yi hududidagi faoliyatini davom ettirmoqda.
Xususan, Qoraqalpog‘istondagi 16 ta tuman va shaharlardagi 403 ta mahallada o‘tkazilgan o‘rganishlar hamda Prezident Virtual va Xalq qabulxonalariga kelib tushgan murojaatlar asosida aholi turmush sharoitini yaxshilash bo‘yicha o‘tgan bir oy mobaynida qator ishlar amalga oshirildi.
Ilk bosqichda 64 ta sektor kesimida ijtimoiy infratuzilma holatini yaxshilash, ishsizlik darajasini kamaytirish, yoshlar orasida tadbirkorlikni qo‘llab-quvvatlash kabi dolzarb masalalar bo‘yicha oyma-oy «mahallabay» va «tumanbay» reja-grafiklari ishlab chiqilib, ijroga qaratildi.
Natijada ijtimoiy infratuzilma holatini yaxshilash maqsadida 8,7 kilometr yo‘l asfalt qilindi, 101 kilometr ichki yo‘llarga qum-shag‘al aralashmasi yotqizildi. Elektr ta’minotini yaxshilash uchun 126 ta transformator ta’mirlanib, 9 tasi yangidan o‘rnatildi. Simyog‘ochlar almashtirilib, qo‘shimcha 548 ta ustun, tungi yoritish chiroqlari o‘rnatildi.
Aholining ichimlik suvi ta’minotini yaxshilash uchun 50,2 kilometr suv tarmog‘i tortildi. Bundan tashqari, 238 ta gaz taqsimlash punkti, tarmoqlar kapital ta’mirlandi.
Mahallalarning ichki yo‘llari ko‘rkamligi uning obodligidan nishona. Shu ma’noda hududdagi 62 kilometr ichki ko‘chalar tartibga keltirilib, lotok, ariq, kanal va kollektor-zovurlar tozalandi.
Orolbo‘yi hududi bo‘yicha jami 5 611 nafar fuqaroning bandligi mavjud bo‘sh ish o‘rinlar, o‘zini o‘zi band qilish, dehqon xo‘jaliklarini tashkil etish uchun ekin yeri ajratish, kasb-hunarga o‘qitish orqali ta’minlandi.
Joylarda aholi va yoshlar orasida tadbirkorlik, kichik biznesni rivojlantirish maqsadida mahalla «yettiliklari» bilan hamkorlikda 68,5 milliard so‘m miqdorda imtiyozli kreditlar ajratilishiga erishildi.
Aholi sog‘lig‘ini saqlash va mustahkamlash maqsadida fuqarolar tibbiy ko‘rikdan o‘tkazilib, 721 nafariga davolanish uchun order berilib, 98 nafar bemorda bepul jarrohlik amaliyotlari o‘tkazildi.
O‘tgan oy davomida ijtimoiy ko‘makka muhtoj «Ayollar daftari»dagi 4 mingdan ziyod xotin-qizga 1,6 milliard so‘mlik yordamlar ko‘rsatildi. Bundan tashqari, 60 ga yaqin ishsiz xotin-qizga tikuv mashinalari, pishiruv pechlari, motokultivatorlar topshirildi.
Respublika ishchi guruhi faoliyati davom etmoqda.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Жамоат тартиби муҳофазаси ва ҳуқуқбузарликлар профилактикаси | Веб-сайт | 13 Fevral 2024 | 27 Fevral 2024 | Surxondaryo viloyati |
Пенсия ёки нафақа тўлови ТЎХТАТИЛГАНЛИГИ | Веб-сайт | 29 Aprel 2024 | 2 May 2024 | Toshkent viloyati |
Мажбурий ижро бюроси ходими хатти-ҳаракатлари | Веб-сайт | 9 Mart 2024 | 27 Mart 2024 | Jizzax viloyati |
Шартнома ва битим шартларининг бажарилмаслиги | Веб-сайт | 3 Aprel 2024 | 24 Iyun 2024 | Toshkent viloyati |
Бузилган уй-жой, олиб қўйилган ер майдони ўрнига ер майдони, уй-жой ва компенсация ажратиш | Ишонч телефони | 11 Mart 2024 | 22 Iyun 2024 | Toshkent viloyati |
Тадбиркорлик фаолиятини ривожлантириш учун кредит | Ишонч телефони | 9 Aprel 2024 | 19 Aprel 2024 | Andijon viloyati |
Таълим кредити | Ишонч телефони | 8 May 2024 | 23 May 2024 | Xorazm viloyati |
Кадастр ҳужжатларини расмийлаштириш | Ишонч телефони | 21 May 2024 | 29 May 2024 | Sirdaryo viloyati |
Суғурта товонини қоплаш | Ишонч телефони | 20 Iyun 2024 | 21 Iyun 2024 | Qoraqalpog`iston Respublikasi |
Пиллачилик | Ишонч телефони | 26 Iyun 2024 | 3 Iyul 2024 | Andijon viloyati |
Турар жой объектларининг вақтида фойдаланишга топширилмаслиги | Ишонч телефони | 4 Iyul 2024 | 16 Iyul 2024 | Navoiy viloyati |
Шартнома ва битим шартларининг бажарилмаслиги | Ишонч телефони | 24 Iyul 2024 | 10 Avgust 2024 | Sirdaryo viloyati |
Савдода истеъмолчилар ҳуқуқларини ҳимоя қилиш | Ишонч телефони | 8 Avgust 2024 | 20 Avgust 2024 | Toshkent viloyati |
Тадбиркорлик субъектлари томонидан иш ҳақи берилмаётганлиги | Ишонч телефони | 20 Avgust 2024 | 30 Avgust 2024 | Qoraqalpog`iston Respublikasi |
Янги МТТ қуриш | Ишонч телефони | 23 Avgust 2024 | 28 Avgust 2024 | Toshkent shahri |
Светофор, радар ва йўл белгиларини ўрнатиш, пиёдалар ўтиш йўлини чизиш | Ишонч телефони | 31 Avgust 2024 | 10 Sentabr 2024 | Xorazm viloyati |