Yoshlar takliflarini oʻrganish, muammolariga yechim topish, bandligini taʼminlash, yoshlar oʻrtasida jinoyatchilikning oldini olish... Oʻzbekiston yoshlar ittifoqi Jizzax viloyati Kengashi raisining “sayyor qabul”i ham mana shunday ezgu maqsadlarni koʻzlagani bois jizzaxlik minglab yoshlarni bir joyga toʻplamoqda.
Ularda hudud yoshlari oʻzlarini qiziqtirgan savollarga javob olyapti, muammolarga yechim topilib, koʻplab masalalarda huquqiy koʻmak berilmoqda.
— 4 yil Rossiyada ishlaganman, — deydi arnasoylik Bobur Zulinov. — Oʻtgan yili qaytib keldim. Bolaligimdan musiqaga qiziqardim, bu sohada maʼlum bilim hamda koʻnikmam ham bor. Shu bois ishlab topgan pulimga musiqa va ovoz yozish jihozlarining bir qismini sotib oldim. Hozir sevgan kasbim bilan bandman. Uskunaning qolgan qismlarini xarid qilish uchun kredit olish maqsadida edim. “Yoshlar —kelajagimiz” jamgʻarmasi orqali imtiyozli kredit olishim mumkinligini bildirishib, shu yerning oʻzida manzilli rejaga kiritishdi.
“Sayyor qabul”ning asosiy maqsadlaridan yana biri chekka qishloqlardagi yoshlarning muammolarini oʻrganishga qaratilgan. Zomin tumanida oʻtkazilgan qabulda ham togʻli hudud hisoblangan Pishagʻar qishlogʻida yashovchi Gulbahor Abdullayeva shu kungacha fuqarolik pasportini olmaganini aytdi.
— Yoshim 27da. Shu kungacha pasport olmaganman, — deydi u. — Oilaviy sharoitimiz bir oz ogʻirroq: otam vafot etgan, ukalarim bor. Yagona oila boquvchisi oʻzimman.
Gulbahorning ham murojaati shu yerning oʻzida tuman ichki ishlar boʻlimi hamda tuman prokuraturasi vakillari tomonidan atroflicha oʻrganilib, ijobiy hal etildi.
Sayyor qabullar viloyatning barcha hududida davom etmoqda.
Shohida Damanova
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |