Jinoyat ishlari bo‘yicha Namangan shahar sudi tomonidan Namangan davlat universitetida jinoyatchilik va huquqbuzarliklarning oldini olishga qaratilgan huquqiy targ‘ibot tadbiri hamda sayyor sud majlisi o‘tkazildi.
Dastavval tadbir qatnashchilariga keyingi vaqtlarda aholi, ayniqsa, yoshlar orasida ko‘p uchrayotgan jinoyat va huquqbuzarliklar, ularning oqibatlari haqida tushuntirish berildi. Jumladan, sodir etilayotgan giyohvandik, bezorilik, talonchilik, yo‘l-transport vositalari bilan bog‘liq jinoyatlar oshib borayotgani ta’kidlandi. Jinoyat sodir etib, bugungi kunda panjara ortida o‘tirgan yoshlarning ayanchli qismati haqida so‘z yuritildi. Achinarlisi, bugun ular qatoriga oliy o‘quv yurtida ta’lim olayotgan talabalar ham qo‘shilib qolayotgani afsus bilan tilga olindi. Bu kabi holatlarning oldini olish uchun har bir yigit-qiz puxta bilim egallab, belgilangan qonun-qoidalarga amal qilishi, turli qing‘ir ishlarga qo‘l urmasligi aytildi.
Namangan shahar sudining bo‘lib o‘tgan sayyor sud majlisida talonchilik, giyohvandlik vositalarini noqonuniy saqlash, o‘tkazish bilan bog‘liq jinoyatlarni sodir etgan shaxslarning ishlari ko‘rib chiqildi. Har bir ish bo‘yicha protsess ishtirokchilarining muzokaralari eshitilib, ish hujjatlari o‘rganildi. Yakunda sudlanuvchilarga ozodlikdan mahrum qilish jazosi tayinlanib, sud zalidan qamoqqa olindi.
Bundan tashqari, sayyor sud majlisda probatsiya guruhi hisobida turib sud tomonidan belgilangan majburiyatni o‘tayotgan shaxslarga oid taqdimnomalar ham ko‘rib chiqildi. Xatolaridan xulosa chiqargan, tuzalish yo‘liga qat’iy o‘tgan, halol va foydali mehnat bilan shug‘ullanib, hayotini izga solishga kirishgan 10 kishi muddatidan ilgari jazodan ozod qilindi. Aksincha, sud tomonidan belgilangan jazodan bo‘yin tovlab, majburiyat va tartiblarga rioya etmagan ikki fuqaroning jazolari og‘irroq turdagisiga almashtirildi.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |