Buxoro viloyati hokimi, harbiy-ma’muriy sektor rahbari Botir Zaripov Buxoro shahrining Chashmayu Ayub ko‘chasi, 9-uyda yashovchi Ikkinchi jahon urushi qatnashchisi Ahmad bobo Muhsinovga Prezident tabrigi va Yangi yil sovg‘alarini yetkazdi.
Unga sektorlar rahbarlari, viloyat Mudofaa ishlari boshqarmasi, Buxoro harbiy gornizoni mutasaddilari va jamoatchilik vakillari hamrohlik qildi.
Ushbu fayzli xonadonda kechgan suhbatda viloyat hokimi Ikkinchi jahon urushi va mehnat fronti faxriylari davlatimizning doimiy e’tiborida ekanini ta’kidladi. Prezidentimizning Ikkinchi jahon urushi qatnashchilariga yo‘llagan Yangi yil tabrigini o‘qib eshittirdi. Pul mukofoti va qimmatbaho sovg‘alarni topshirdi.
Ko‘ksini orden-medallar bezagan Ahmad Muhsinov ayni navqiron 19 yoshida Buxoro shahridan harbiy xizmatga, aniqrog‘i, to‘g‘ri jangu jadal kechayotgan frontga chaqirilgan.
–1947 yilgacha qirg‘inbarot janggohda, so‘ng Yevropaning turli davlatlarida armiya safida bo‘ldim, – deydi urush faxriysi Ahmad Muhsinov. –Xudoga shukur Vatanimga sog‘-omon qaytish nasib etdi. Urushdan keyingi yillarda Buxoro davlat pedagogika instituti (hozirgi Buxoro davlat universiteti) ning tarix fakultetida tahsil oldim. Bir muddat o‘rta maktabda pedagog sifatida yoshlarga saboq berdim.
Viloyat rahbari boshchiligidagi mutasaddilar Buxoro shahrining Shofirkon ko‘chasi 22-uyida istiqomat qiluvchi Ikkinchi jahon urushi qatnashchisi Norboy Qarshiyevni ham yo‘qlab borishdi. Yangi yil arafasida otaxon bilan samimiy suhbat qurishdi.
–Dunyoda hech bir narsa tinchlikning o‘rnini bosa olmaydi, –deydi otaxon. –Urushning dahshatiniku aytmay qo‘ya qolay. Dastlabki jangdayoq oyog‘imdan yaralanganman. Ammo meni bu emas, yon-atrofimda quroldoshlarimning yuztuban yiqilib, hayotdan ko‘z yumgani dahshatga solgan. Bu manzara hali- hanuz tushlarimga kirib, bezovta qilib chiqadi... Yaratganga shukr, yurtimiz tinch, hayotimiz osuda. Mahallalarimiz obod. Bozorlar to‘kin. Maktabu litsey, oliy o‘quv yurtlarida o‘qiyotgan nevara- chevaralarimga doim “Bu kunlarning qadriga yetinglar, bolalarim” deyman.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |