Guliston shahrida O‘zbekiston Respublikasi Bosh vaziri o‘rinbosari Z.Mahkamovaning sayyor qabuli bo‘lib o‘tdi va unda fuqarolarning yuzdan ziyod murojaatlari ko‘rib chiqildi.

Qabulda moddiy yordam, bandligini ta’minlash, pasport, salomatligini tiklash, bank va kredit, kadastr bilan bog‘liq muammolar, pensiya, subsidiya, uy-joy masalalari kabi ko‘plab muammoli murojaatlar tinglandi. Shuningdek, 4 nafar tazyiqqa uchragan ayollar, 13 nafar aprobatsiyada turgan ayollarning murojaatlari o‘rganilib, tegishli tartibda hal qilish choralari ko‘rildi.  

Bosh vazir o‘rinbosari Z.Mahkamova Sirdaryo viloyatiga tashrifi davomida Guliston shahrining “Ulug‘obod” MFYda mahalla beshligi faoliyati bilan yaqindan tanishdi. “Ayoli e’zozlangan yurt” shiori ostida mahallada yashovchi 14 nafar ijtimoiy himoyaga muhtoj ayollarga tikuv mashinalari topshirildi. Shuningdek, “Sog‘lom turmush tarzi” mavzusidagi ko‘rgazmali seminar hamda “Oqila ayollar” harakati a’zolari bilan uchrashuv barcha ishtirokchilar uchun qiziqarli bo‘ldi.