Prezidentimiz tashabbusi bilan hayotga tatbiq etilayotgan “Obod qishloq” dasturi doirasida Andijon viloyatidagi 50 qishloqda keng koʻlamli qurilish-taʼmirlash va obodonlashtirish ishlari amalga oshirilishi rejalashtirilgan. Buning uchun qariyb 444,7 milliard soʻm mablagʻ sarflanishi koʻzda tutilgan.

Dasturga asosan viloyatdagi 9 ming 292 aholi xonadoni, jumladan, 65 ta koʻp qavatli uyda taʼmirlash ishlari bajarildi. Uylarning tom qismi, fasadi, kirish yoʻlaklari kapital taʼmirlanib, temir eshiklar oʻrnatildi. 

Aksariyat uylar yer toʻlasidagi muhandislik-kommunikatsiya tizimi yangilandi. 

11 ta bolalar maydonchasi, 30 ta kanalizatsiya tarmogʻi qurildi, 2 ming 400 metr lotok, 8 ming 900 kvadrat metr maydonga bruschatka yotqizildi, yoritgichlar oʻrnatildi. Koʻp qavatli uylar oldidagi 700 ga yaqin noqonuniy qurilmalar buzib tashlandi. 

Zuhriddin Umurzoqov (surat), OʻzA