Xalqni eshitish, aholi talab va istaklarini ro‘yobga chiqarish davlat siyosatining ustuvor yo‘nalishiga aylandi. Natijada aholini yillar davomida qiynab kelayotgan muammolari asta-sekin o‘z yechimini topib, odamlar rahbarlardan, davlatdan rozi bo‘lib, orzu-istaklari ro‘yobga chiqmoqda.

Bosh prokuratura boshqarma boshlig‘i L.Jalov boshchiligida Jizzax viloyati Mirzacho‘l tumanidagi ijtimoiy soha ob’ektlari ko‘zdan kechirilib, qish mavsumini betalafot o‘tkazish bo‘yicha olib borilayotgan ishlar o‘rganildi.  

Xususan, tuman markaziy dehqon bozori, 6- va 10-sonli umumta’lim maktablari va tibbiyot birlashmasining tabiiy gaz, elektr energiyasi bilan ta’minlanganlik, isitish tizimining bugungi holati va ko‘mir mahsulotlarining zaxirasi ko‘zdan kechirildi.

Shuningdek, arzonlashtirilgan oziq-ovqat mahsulotlari yarmarkasida aholiga yetkazib berilayotgan mahsulotlar sifati, narx-navosi va savdo shoxobchalaridagi yaratilgan sharoitlar o‘rganilib, yuzaga kelgan muammolarni bartaraf etish bo‘yicha mutasaddilarga tegishli ko‘rsatmalar berildi.