Buxoro viloyati Romitan tumanida 78 nafar xotin-qizlarga ko‘maklashildi. 62 nafariga tikuv mashinkasi, 16 nafariga esa mikroto‘lqinli pech berildi.

–  Xotin-qizlarning ijtimoiy-siyosiy faolligini oshirish, ularni har tomonlama qo‘llab-quvvatlash, muammolarini hal etish, ijtimoiy himoyasini kuchaytirish, turmush sharoitini yaxshilash hamda bandligini ta’minlash masalalariga alohida e’tibor qaratilmoqda, –deydi Romitan tumani hokimi o‘rinbosari- Oila va xotin-qizlar bo‘limi boshlig‘i Zulxumor Aslonova. – Joylardagi hokim yordamchilari tavsiyasi asosida ijtimoiy himoyaga muhtoj bo‘lgan, o‘zining tadbirkorlik faoliyatini yo‘lga qo‘yib, o‘zini o‘zi band qilish istagini bildirgan, “Temir daftar”, “Ayollar daftari” va “Yoshlar daftari”ga kiritilgan fuqarolarga jihozlar topshirilmoqda. Har bir xotin-qiz bilan alohida ishlanib muammolari o‘rganilmoqda. Ularning bandligini ta’minlashga alohida e’tibor qaratilmoqda.

Joriy yilda tumanda 2900 nafar xotin-qizlar “Ayollar daftari”ning 3-bosqichida ro‘yxatga olingan. Hozirgi kunda 97 foiz xotin-qizlarning muammolari to‘liq hal etildi.