Samarqand viloyati hokimi Erkinjon Turdimovning Samarqand shahrida o‘tkazilgan navbatdagi sayyor qabulida tuman va shaharlardan kelgan 1085 nafar fuqaro 2730 ta muammo, taklif va mulohazalarini bildirdi.
Murojaatchilar Samarqand shahri, Pastdarg‘om, Payariq va Samarqand tumanlaridan, ayniqsa, ko‘p bo‘ldi. Ularning murojaatlarini viloyat hokimi va sektorlar rahbarlari, ellikdan ortiq viloyat tashkilotlari mas’ullari hamda 7 tuman va shahar hokimi qabul qildi. Fuqarolar asosan yo‘l qurilishi, elektr ta’minoti, subsidiya asosida uy-joy ajratilishi, ishsizlik masalalarida murojaat qildi.
Jumladan, Paxtachi tumani Saroy mahallasida istiqomat qiluvchi Bahodir Shodiyev mahallasidagi simyog‘ochlar avariya holatida ekanligi, eski transformator esa aholining ehtiyoji uchun yetarli elektr energiyasi yetkazib berolmayotganini aytib, shikoyat qildi.
Viloyat hokimi “Samarqand hududiy elektr tarmoqlari korxonasi” AJ mas’ullariga mahalladagi eski simyog‘ochlar o‘rniga temir-beton ustunlar o‘rnatish bo‘yicha topshiriq berdi. Shuningdek, mahallada mahalliy byudjet hisobidan yangi transformator o‘rnatiladigan bo‘ldi.
Samarqand tumanining Yangi joy mahallasida yashovchi Rustam Umarov mahallasidagi kichik, sharoiti og‘ir maktab o‘rniga yangisini qurish yuzasidan viloyat hokimiga murojaat qildi. Bulung‘urlik Shoxruh Qo‘ziboyev esa o‘ziga tegishli yerda mini-futbol maydonchasini qurish uchun kredit so‘radi.
Viloyat hokimi ikkala murojaatni ham o‘rganib chiqib, ijobiy hal qilish uchun mas’ullarga yo‘naltirdi. Sayyor qabul davomida qayd etilgan barcha murojaatlarga mas’ullar biriktirilib, bir haftalik muddat bilan ijrosi nazoratga olindi.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |