Sirdaryo viloyati Yangiyer shahar “Shodiyona” mahallasida Markaziy bank Sirdaryo viloyat Bosh boshqarmasi boshlig‘i Valijon To‘rayevning navbatdagi sayyor qabuli o‘tkazildi.

Unda shahar mahallalaridagi temir, ayollar va yoshlar daftarlariga kiritilgan fuqarolar hamda tadbirkorlar ishtirok etdi.

Bank mas’ullari bugungi kunda tijorat banklari tomonidan tadbirkorlikni boshlash va uni rivojlantirish, ishsiz bo‘lgan aholi bandligini ta’minlash borasida yaratilgan shart-sharoitlar va ajratilayotgan imtiyozli kreditlar to‘g‘risida batafsil ma’lumotlar berildi. Shundan so‘ng fuqarolarning masalalari tinglanib, mutasaddilar ishtirokida muhokama qilindi.

Qabul davomida yigirmadan ortiq murojaat kelib tushgan bo‘lsa, shundan 4 tasi qabul mobaynida ijobiy hal etildi. 6 ta murojaat bo‘yicha huquqiy maslahat berilib, qolgan qo‘shimcha o‘rganishlar talab etiladigan murojaatlar bo‘yicha tegishli chora-tadbirlar va muddatlar belgilandi.