Odamlarning muammolarni o‘rganish va ularni hal etish – Oliy Majlisning inson huquqlari bo‘yicha vakili (Ombudsman)ning asosiy faoliyat yo‘nalishlaridan biriga aylandi.

 Hududlarda Ombudsmanning mintaqaviy vakillari faoliyati yo‘lga qo‘yilgani aholi uchun katta qulaylik yaratdi. Endilikda yurtdoshlarimiz joylardagi muammolar bo‘yicha ularga murojaat qilmoqda. 

Ombudsmanning Sirdaryodagi mintaqaviy vakili fuqarolarning ortiqcha qarzdorlik va yo‘llanma olish bo‘yicha murojaatlarini hal etdi.

Mazkur tuzilma fuqarolar murojaatlari bilan ishlashda O‘zbekiston Respublikasi Prezidentining Sirdaryo viloyatidagi Xalq qabulxonasi bilan samarali hamkorlikni ham yo‘lga qo‘ygan. 

Mazkur hamkorlik doirasida Sirdaryo tumani Xalq qabulxonasida o‘tkazilgan fuqarolar qabuliga kelgan “Ilg‘or” mahalla fuqarolar yig‘inida yashovchi fuqaro N.D.ning murojaati ijobiy hal etildi. U astma kasalligidan davolanish uchun yo‘llanma olish bo‘yicha yordam so‘ragan. Mintaqaviy vakil Shuhrat Alimovning tegishli tashkilotlarga qilgan murojaatidan so‘ng fuqaroga yo‘llanma berildi. 

Sirdaryo tumani Elobod mahalla fuqarolar yig‘inida yashovchi fuqaro S.O. iste’mol qilingan elektr energiyasi uchun hisoblangan qarzdorlikdan noroziligi bo‘yicha murojaat qilgan. Murojaat tuman elektr tarmoqlari korxonasi bilan o‘rganilganda, fuqaro murojaati asosli, deb topildi va qarzdorligi bartaraf etildi.