Nukus shahridagi “Chimboy guzari” mahalla fuqarolar yig‘inida amalga oshirilgan bunyodkorlik, obodonchilik ishlaridan so‘ng hudud ko‘rkam qiyofa kasb etdi.

Joriy yil boshidan buyon hududda “Obod mahalla” dasturi doirasida keng ko‘lamli ishlar bajarildi. Mahalla ko‘chalari ta’mirlandi, elektr tarmoqlari yangilandi, joylarga transformator va ustunlar o‘rnatildi, yo‘llar bo‘ylab piyodalar yo‘lakchasi qurildi. Kichkintoylar uchun bolalar maydonchalari barpo etildi. Ariqlar tozalanib, daraxtlar ekildi.

Jarayonda aholi bandligini ta’minlash masalasiga ham alohida e’tibor qaratildi. Xususan, mahallada yengil konstruksiyadan tiklangan tikuvchilik korxonasida 300 dan ziyod xotin-qiz ish bilan ta’minlandi. Tomorqadan samarali foydalanishni tashkil etish maqsadida xonadonlarga issiqxonalar qurib berildi.