Buxoro tumani Xonobod qishlogʻidagi oilaviy poliklinika tubdan qayta rekonstruksiya qilindi. Investitsiya dasturiga muvofiq, qurilish-bunyodkorlik ishlariga 1,6 milliard soʻm mablagʻ sarflandi.
Oilaviy poliklinika binosi hududi kengaydi, muassasa xonalari soni 10 tadan 34 taga yetdi. Bu pediatr, jarroh, akusher-ginekolog, stomatolog shifokorlarning bemorlarni tegishli tibbiy asbob va uskunalar bilan jihozlangan alohida xizmat xonalarida qabul qilish, shuningdek, aniq tashxis qoʻyish uchun tahlillar olinadigan laboratoriya xodimlari ish sharoitini yaxshilash imkonini berdi. 6 oʻrinli kunduzgi davolash boʻlimi ham qator qulayliklarga ega boʻldi.
Poliklinikada tor mutaxassislik boʻyicha 4 shifokor, 16 nafar patronaj hamshiradan tashqari, 7 nafar oʻrta maxsus maʼlumotli xodim hududdagi 10 mingdan ziyod aholiga xizmat koʻrsatayotir. Tibbiy maskan tarkibida ijtimoiy dorixona, tuman tibbiyot birlashmasiga qarashli tez tibbiy yordam shoxobchasi tashkil etilgan.
Mazkur birlamchi tibbiy-sanitariya yordami muassasasi xodimlari aholi oʻrtasida reproduktiv salomatlik, erta nikohning oldini olish, sogʻlom turmush tarzini targʻib qilish borasida tushuntirish-targʻibot ishlari olib borishga ham alohida eʼtibor qaratmoqda. Bu fuqarolarning tibbiy madaniyatini oshirish, kasallanish darajasini pasaytirishga xizmat qilayotir.
– Hududlarda, jumladan, qishloq joylarda aholining birlamchi tibbiy-sanitariya muassasalari yordamidan keng va samarali foydalanishini taʼminlashga, odamlar salomatligini mustahkamlash hamda hayot sifatini yaxshilashga qaratilgan yangicha yondashuvlar asosida tizimli ishlar amalga oshirilmoqda, – deydi Buxoro viloyati sogʻliqni saqlash boshqarmasi ambulatoriya-poliklinika xizmati boʻyicha bosh mutaxassisi Elyor Oltiyev. – Xususan, “Obod qishloq” dasturi doirasida Romitan tumanining “Qalaychorbogʻ”, Olot tumanining “Usmonshayx”, Qorakoʻl tumanining “Yangibozor” qishloq oilaviy poliklinikalari ham yangidan qurildi. Tumanlarda 10 dan ortiq tibbiyot muassasasi mukammal taʼmirlandi. Ana shu maqsadlarga salkam 15 milliard soʻmlik davlat va mahalliy byudjet mablagʻlari sarflandi.
Erkin Yodgorov, OʻzA
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |