Xalq bilan muloqot xalqchil siyosatning eng muhim ustuvor yo‘nalishidir. Ayni kunlarda Oliy Majlis Qonunchilik palatasi deputatlari o‘zi saylangan okruglarda bo‘lib, aholi bilan muloqot qilmoqda, ularning muammolarini, murojaatlarini tinglab, shu asosda muayyan chora-tadbirlarni ko‘rishmoqda.

Parlament quyi palatasi deputati Mavjuda Hasanova Surxondaryo viloyati Uzun tumanida bo‘ldi. Deputat dastlab tuman hokimining birinchi o‘rinbosari B.Hasanov va hududdagi boshqa mutasaddilar bilan birga mahallalarda o‘rganish ishlarini amalga oshirdi. Mazkur jarayonda xalq vakili O‘zbekiston Respublikasi Prezidentining tegishli farmoniga asosan “Oqostona” mahalla fuqarolar yig‘inidagi “Temir daftar”, “Ayollar daftari” va “Yoshlar daftari”ga kiritilgan 40 nafardan ortiq fuqaroga 15 sotixdan yer ajratilishida ishtirok etdi.