Kuzning yomgʻirli, salqin kunlari boshlandi. Oldimizda qish. Demak, taʼlim muassasalarini kuz-qish mavsumiga tayyorlash masalasi yanada dolzarb boʻlib turibdi. Bu borada Toshkent shahridagi maktablarda vaziyat qanday?
– Prezidentning 2018 yil 12 iyuldagi “Respublika iqtisodiyoti tarmoqlari va ijtimoiy sohalarini 2018/2019 yillar kuz-qish davrida barqaror ishlashga kompleks tayyorlashni taʼminlash chora-tadbirlari toʻgʻrisida”gi qarori asosida ishlar davom etmoqda, – deydi Toshkent shahar xalq taʼlimi bosh boshqarmasi bino va inshootlardan foydalanishni muvofiqlashtirish va monitoring qilish boʻlimi boshligʻi Nuriddin Otamuhammedov. – Jumladan, oʻtgan yillarda yoʻl qoʻyilgan kamchiliklar tahlili asosida joriy kuz-qish mavsumiga tayyorgarlik koʻrish boʻyicha kompleks chora-tadbirlar rejasi ishlab chiqilib, amalga oshirilmoqda.
Mutaxassisning taʼkidlashicha, joriy yilda poytaxtdagi 6 taʼlim dargohida kapital rekonstruksiya, 8 tasida kapital, 135 umumtaʼlim muassasasida joriy taʼmirlash ishlari amalga oshirilgan. Ayni vaqtda muassasalardagi ichki isitish tizimlari, tom va pol qismlari, derazalar, kirish yoʻlaklari taʼmirlanib, foydalanishga topshirilgan. Taʼlim dargohlarida issiqlik meʼyorida boʻlishini taʼminlash maqsadida 1 ming 500 metr kvadrat singan deraza oynalari almashtirilgan.
Taʼlim maskanlaridagi 41 qozon profilaktik taʼmirdan chiqarilib, 1 qozon almashtirilgan. 55 ming 455 metr kvadrat binolarning tom qismlarida kapital va joriy taʼmirlash ishlari yakunlangan.
Mirzo Ulugʻbek tumanidagi 241-maktabda ham yangi oʻquv mavsumini bexavotir oʻtkazish uchun barcha shart-sharoit yaratildi.
– Maktabimiz 44 yildan buyon taʼmirlanmagan edi, – deydi maktab direktori Ziroat Ermatova. – Shu bois tomdan suv oʻtib ketar, oʻquvchilar tahsil olishga qiynalardi. Joriy yilda taʼlim muassasamiz kapital rekonstruksiya qilinib, zamonaviy maktabga aylandi. Quvurlar, derazalar, isitish tizimi va elektr taʼminoti tarmoqlari toʻliq taʼmirdan chiqarildi. Endi oʻquvchilarga bexavotir taʼlim berishda davom etamiz.
Davron Sunnatov, OʻzA
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |