Namangan viloyati hokimi Shavkat Abdurazzoqov Mingbuloq tumanida sayyor qabul o‘tkazdi.

Sayyor qabulda O‘zbekiston Respublikasi Prezidentining viloyatdagi Xalq qabulxonasi, huquqni muhofaza qilish idoralari, sudlar, banklar, qishloq xo‘jaligi, qurilish, transport, ijtimoiy soha, kommunal xizmat ko‘rsatuvchi tashkilotlar mutasaddilari ishtirok etdi.

Viloyat rahbari o‘z muammoli masalalarini hal etish maqsadida kelgan yurtdoshlarimizning murojaatlari, taklif va mulohazalariga quloq tutdi.

Qariyb yetti soat davom etgan qabulda 200 nafardan ziyod fuqarodan ishga joylashish, uy-joy, yer va bo‘sh bino, bank krediti olish, elektr tarmog‘i tortish, davolanish uchun yordam, kommunal xizmatlarga ulanish kabi masalalardagi murojaatlar kelib tushdi. 

Viloyat hokimi har bir murojaat yuzasidan mutasaddilarga tegishli topshiriqlar berdi. Bajarilishi muddat talab qiladigan masalalar alohida nazoratga olindi.