Ayni paytda “O‘zsanoatqurilishbank” tomonidan “Obod qishloq” dasturi doirasida 126 ta loyihani moliyalashtirish uchun umumiy hajmi 42 mlrd. so‘mga yaqin kredit liniya ochilgan.

Bundan tashqari manzilli reja asosida qishloqlarda namunaviy loyihalar asosida sartaroshxona, go‘zallik saloni va boshqa xizmat turlarini o‘z ichiga olgan maishiy xizmat ko‘rsatish majmualari hamda hammomlar barpo etilmoqda. Bu esa aholining turmush farovonligini ta’minlashi barobarida yangi ish o‘rinlari yaratilishiga ham zamin bo‘layotir. 

Ana shunday obod maskanlar qatorida Andijon viloyati Asaka tumani “Qayrag‘och”, Navoiy viloyati Nurota tumani “Chuya”, Farg‘ona viloyati Oltiariq tumani “Tinchlik” mahalla fuqarolari yig‘inlarini aytish mumkin. Mazkur hududlarda bank ko‘magida qator obodlik, bunyodkorlik ishlari olib borildi.