2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
500 dan ziyod xonadonda elektr energiyasi ta’minoti yaxshilanadi

Prezidentimiz tashabbusi bilan amalga oshirilayotgan “Obod qishloq”, “Obod mahalla” dasturlari doirasida Andijon viloyatidagi tanlab olingan mahallalarda keng ko‘lamli qurilish, obodonlashtirish ishlari amalga oshirilmoqda.

Baliqchi tumanidagi Iftixor mahallasida ham dastur doirasida keng ko‘lamli bunyodkorlik, obodonlashtirish ishlari avjida.  

Ayni kunda 3 ming 200 nafardan ziyod aholi yashayotgan mahalla qiyofasi tubdan yangilanmoqda. Mahalla hududidagi qator ko‘chalar ta’mirlanib, ichimlik suvi, elektr energiyasi va gaz ta’minotini yaxshilash, fuqarolarning bandligini ta’minlash, turmush farovonligini yuksaltirishga alohida e’tibor qaratilmoqda.

Shu kunlarda mahallaning Bog‘i eram, Oydin, Alvon ko‘chalari aholisini elektr energiyasi bilan ta’minlovchi nimstansiya "Qiyali" elektr uzatish tarmog‘i orqali 10 kV kuchlanishli elektr energiyasi bilan ta’minlanadi. Hududdagi eski 0,4 kV kuchlanishli hamda 10 kV kuchlanishli havo tarmoqlarida demontaj ishlari olib borilmoqda.

Bundan tashqari, quvvati 100 hamda 160 kVA bo‘lgan ikkita yangi transformator olib kelib o‘rnatildi, quvvati 400 kVA bo‘lgan ikkita transformator punkti mukammal ta’mirlandi. Shuningdek, havo tarmog‘iga ulangan iste’molchilarning elektr hisoblagichlari o‘rnatilgan shitlar yangisiga almashtirib berildi.

"Obod qishloq" dasturi bo‘yicha jami 3,7 kilometr uzunlikdagi 0,4 kV kuchlanishli havo tarmog‘ini tortish ishlari olib borilmoqda. Mahalla ko‘chalariga jami 155 dona temir beton ustunlar olib kelinib o‘rnatilishi rejalashtirilgan bo‘lib, hozirga qadar 55 dona temir beton ustunlar o‘rnatildi.  

Yuqoridagi ishlarning amalga oshirilishi bilan Iftixor mahallasidagi mavjud 500 dan ziyod xonadonda elektr energiyasi ta’minoti sifati yanada yaxshilanadi.

17.06.2021

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Иш ҳақи ва унга тенглаштирилган тўловларни ундиришIshonch telefoni5 Iyun 202117 Iyun 2021Andijon viloyati

Foydali resurslar