Andijonda “Obod qishloq”, “Obod mahalla” dasturlari doirasida tanlab olingan mahalla va qishloqlarda avtomobil yo‘llarini ta’mirlash, qurish borasida keng ko‘lamli ishlar olib borilmoqda.
Har bir hudud qiyofasiga ko‘rk bag‘ishlovchi jihat o‘sha go‘shaning yo‘llari hisoblanadi. Keyingi yillarda mamlakatimizning barcha joylarida obodonchilik, bunyodkorlik ishlari bilan bir qatorda yo‘llar qurish, mavjud yo‘llarni ta’mirlash masalalariga alohida e’tibor qaratilmoqda. Ko‘plab yo‘llar joriy va kapital ta’mirlanib, yangilari barpo etilmoqda. Mazkur yo‘nalishda Andijon viloyati avtomobil yo‘llari hududiy bosh boshqarmasi, uning tuman, shahar bo‘limlari tomonidan muayyan ishlar amalga oshirilmoqda.
Ayni kunda Andijon viloyatida 2463 kilometr umumfoydalanuvdagi, jumladan, 103 kilometr xalqaro, 800 kilometr davlat, 1 ming 560 kilometr mahalliy ahamiyatdagi avtomobil yo‘llari, shuningdek, tuman va shahar yo‘l boshqarmalari tasarrufida 1 ming 40 kilometr ichki, shahar va boshqa aholi punktlarida 9 ming 109 kilometr avtomobil yo‘llari mavjud.
Baliqchi tumani yo‘llardan foydalanish unitar korxonasi tomonidan tumandagi holati og‘ir bo‘lgan Do‘stlik va Iftixor mahallalarida "Obod qishloq", "Obod mahalla" dasturlari doirasida qator ishlar olib borilmoqda. Yo‘llarning ta’miriga alohida e’tibor qaratilib, ta’mirtalab yo‘llar asfalt va sheben bilan qoplanmoqda.
Do‘stlik mahallasidagi mavjud Mustaqillik, Navro‘z, G‘ayrat va Yangi hayot ko‘chalarining uzunligi 8,6 kilometrni tashkil etadi. Undan 4,9 kilometr qismini asfaltlash, 3,7 kilometr qismiga shag‘al yotqizish belgilangan.
– Ko‘chalarimiz yozda chang, qishda loyligidan odamlar yurishga qiynalar, bu masalada aholidan yuqori tashkilotlarga juda ko‘p murojaatlar bo‘lar edi, – deydi Baliqchi tumanidagi “Do‘stlik” mahalla fuqarolar yig‘ini raisi Shuhratbek Usmonov.
– “Obod qishloq” dasturi doirasida mahallamiz yanada obod bo‘lmoqda, ko‘chalarimiz ta’mirlanib, shag‘al va asfalt yotkizilmoqda. Bundan fuqarolarimiz behad mamnun bo‘layotir.
“Obod qishloq” dasturi doirasida tumandagi Iftixor mahallasida ham uzunligi 8,8 kilometr bo‘lgan 4 ta ko‘chaning 6,1 kilometr qismini asfaltlash, 2,7 kilometr qismiga shag‘al yotqizish bo‘yicha ishlar qizg‘in olib borilmoqda.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |