2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Urganji – obod bo‘layotgan mahalla

“Obod qishloq” Davlat dasturi amalda

Prezidentimiz tashabbusi bilan amalga oshirilayotgan “Obod qishloq”, “Obod mahalla” dasturlari doirasida joriy yilda Andijon viloyatidagi tanlab olingan mahallalarda ham keng ko‘lamli qurilish, obodonlashtirish ishlari amalga oshirilmoqda. Buni Izboskan tumanidagi Urganji mahallasida mazkur dastur doirasida olib borilayotgan ibratli ishlar misolida yaqqol ko‘rish mumkin.

Andijon viloyati hokimi Shuhratbek Abdurahmonov mazkur mahallada bo‘lib, olib borilayotgan ishlar bilan tanishdi. Hududda ish olib borayotgan mutasaddi tashkilotlar rahbarlari va mahalla aholisi bilan muloqot o‘tkazdi.

Unda viloyat hokimi mahalla qiyofasini tubdan o‘zgartirish, aholining turmush farovonligini oshirish, mahalla yoshlarining ta’lim va tarbiya olishlari uchun qulay shart-sharoitlar yaratish, umuman, fuqarolarning hayotdan roziligiga erishish uchun qilinishi kerak bo‘lgan ishlarga to‘xtaldi.

Ayniqsa, aholi bandligini ta’minlash, shuningdek, tadbirkorlikni rivojlantirish, tomorqadan unumli foydalanish borasidagi ishlarni yanada yuqori bosqichga ko‘tarish yuzasidan fikr-mulohazalar bildirdi. Aholining tadbirkorlik bilan shug‘ullanishi bo‘yicha berilayotgan imtiyozlar xususida alohida to‘xtaldi.

Tijorat banklari tomonidan aholiga 20 dan ortiq turdagi kredit mablag‘lari taklif etildi.

– Ayni kunda mahallamizda 3 ming nafardan ziyod aholi istiqomat qiladi, – deydi “Urganji” mahalla fuqarolar yig‘ini raisi Nafosat Mahkamova. – “Obod mahalla” dasturi doirasida olib borilayotgan ishlardan katta-kichik xursand. Chunki mahallamiz qiyofasi tubdan o‘zgarib, infratuzilmasi yanada yaxshilanmoqda, aholi uchun qator qulayliklar yaratilmoqda.

Mahalladagi mavjud 12 ta ko‘chaning barchasi kundan kunga obod bo‘lmoqda. Mahalla hududidagi 850 o‘rinli 43-umumta’lim maktabi joriy ta’mirdan chiqarildi. Shuningdek, 90 o‘rinli maktabgacha ta’lim tashkilotida qurilish, rekonstruksiya ishlari olib borilmoqda. Natijada mazkur maskan barcha qulayliklarga ega, 210 o‘rinli tarbiya maskaniga aylanadi.

Dastur doirasida 14 kilometr ichimlik suvi tarmog‘i tortilishi, qator ko‘chalarga sheben, asfalt yotqizilishi, elektr tarmog‘i uchun 120 ta beton ustun o‘rnatilishi rejalashtirilgan. Ayni kunga qadar 2 ta elektr energiyasini taqsimlash qutisi keltirilib, 26 ta beton ustun o‘rnatildi.

Muloqotda mahallada mazkur yo‘nalishdagi ishlar izchil va reja asosida davom ettirilishi aytildi.

Aholining turmush farovonligini yuksaltirishga qaratilgan bu kabi ishlar yurtdoshlarimiz qalbida shukronalik, ertangi kunga bo‘lgan ishonch va umid tuyg‘ularini yanada mustahkamlamoqda.

04.06.2021

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati

Foydali resurslar