Xatirchi tumanida Navoiy viloyat sudi raisi Hamidulla Qudratov va viloyat ma’muriy sudi raisi Akmal Murodov ishtirokida fuqarolarning sud-huquq sohasiga oid murojaatlari yuzasidan aholiga huquqiy tushuntirishlar berish maqsadida “Sayyor qabul” tashkil etildi.

Murojaatlarning aksariyati uy-joy, oilaviy masalalar, aliment undirish, sud tomonidan tayinlangan davlat boji miqdorini kamaytirish hamda ma’muriy huquqbuzarlik to‘g‘risidagi ko‘rilayotgan ishlar yuzasidan bo‘ldi.

Qabul jarayonida 21 nafar fuqaroning murojaati atroflicha o‘rganildi. Shundan 11 nafariga huquqiy tushuntirish berilgan bo‘lsa, 3 nafar fuqaroning arizasi yuqori instansiya sudida qayta ko‘rish uchun qabul qilindi.

Shuningdek, o‘ziga nisbatan tayinlangan jazoni belgilangan qismini o‘tagan, o‘rnatilgan tartib qoida talablarini bajargan, mehnatga halol munosabatda bo‘lgan 7 nafar fuqaro O‘zbekiston Respublikasi JK 73-moddasiga asosan jazoni o‘tashdan muddatidan ilgari shartli ozod etildi.

Bu kabi tashkil etilayotgan qabullar aholiga huquqiy tushuntirish berish va fuqarolarning qonuniy manfaatlarini samarali himoya qilishga qaratilgan.

Sudyalarning tumanlarda “Sayyor qabuli” davom etmoqda.