2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Men ham endi odamlardek yashayapman!

Prezidentga maktub

Muhtaram Prezident!

Men shu yoshimgacha hech qayerga, hech kimga maktub yozgan, murojaat qilgan emasman. Biroq qalbimni to‘lqinlantirgan bir holat meni ushbu nomani yozishga undadi.

O‘zim Surxondaryoning olis qishloqlaridan birida yashayman. Turmushga chiqqanman, ikki nafar tug‘ma nogiron farzandim bor. Turmush o‘rtog‘im tirikchilik tashvishida poytaxtga ketgan. Mavsumiy ishlarda ishlab, yeb-ichishimizgagina yetadigan pul jo‘natadi. Men esa ishsizman. Bolalarimning sog‘lig‘i muqim bir joyda ishlashimga imkon bermaydi.

Ota-onam qarib qolgan, jigarlarim ham o‘z hayoti bilan andarmon. Shu paytgacha hech bir hujjatsiz, xom g‘ishtdan ko‘tarilgan, odam uy deyishga ham iymanadigan kulbada yashab keldik. Qo‘limiz kaltaligi sabab, hatto, devorlarni ham suvoqdan chiqarolmagan edik.

Bu yil qishdan norasidalarimni uydagi bor yopinchiqqa o‘rab olib chiqdim. Dilporalarim, jonimning bir bo‘lagi. Ularning ahvoli, ko‘zimga mo‘ltirab tikilishlari, o‘zimning chorasizligimdan ezilib, necha tunlarni tongga ulaganimni, faqat O‘zigagina yolvorganimni Yaratgan biladi.

Dunyoda bolalarining oldida chorasiz qolishdan og‘ir dard yo‘q ekan. Men buni ich-ichimdan his etdim. Dunyo ko‘zimga qorong‘u ko‘rinib, qaysi ostonaga, kimning poyiga bosh urishimni bilmay yurgan kunlarimda mahalladan meni ro‘yxatga olib ketishdi. Keyin bilsam, «Ayollar daftari»ga kiritilibman.

Ko‘p o‘tmay poytaxtdan komissiya keldi, sharoitimni o‘rgandi. Ochiq aytaman, o‘shanda ham men hech narsaga tushunmagan, to‘g‘risi, ishonmaganman. Biroq ishlar tezlashdi. Boshpanamizni hamma havas qiladigan darajada qayta qurib, buning ustiga, barcha jihozlari bilan qo‘limga topshirishdi. Va aytishdiki, bu uy bolalaringizga Prezidentimizdan sovg‘a...

O‘sha mahal beixtiyor ko‘zimga yosh keldi. Yo‘q, yo‘q... Bu xo‘rlik emas, ro‘shnolik yoshlari edi. Olis bir qishloqda, go‘yo hech kimga keraksizday, o‘z dardiga o‘zi qovrilib yashayotgan bir ayolning dil tubidan chiqqan ko‘z yoshlari. Men ortimda meni, farzandlarimni o‘ylayotgan, biz uchun ichi achishib qayg‘uradigan, boshimizni silaydigan odam borligidan ko‘nglimda g‘urur tuydim, egilgan boshim ko‘tarildi.

Hayotimga o‘zgarish olib kirgan yana bir xabarni aytmasam bo‘lmas. Menga yaqinda tikuv mashinasi berishdi. Qo‘limda hunarim bor.

Endi uyda daromad topish imkoni ham tug‘ildi. Endi men ham odamlarga o‘xshab yashayapman. Odamlar havas qiladigan darajada uyim bor. Daromad uchun ishim bor. Farzandlarim yonimda.

Hurmatli Prezident!

Ijozat bersangiz, Sizga bir farzand o‘z otasiga hurmatini izhor etgandek murojaat qilsam. Zotan, Siz menga otam, tug‘ishganlarim qilolmagan yaxshilikni, berolmagan mehrni berdingiz. Hayotga, yashashga bo‘lgan qarashlarimni o‘zgartirdingiz.

Men endi hecham qo‘rqmay, siqilmay yashayman. Bilamanki, men tashlab qo‘yilmaganman, ortimizda Sizdek suyanchimiz va mehribonimiz bor.

Barchasi uchun tashakkurimni qabul qiling, muhtaram Yurtboshim!

Cheksiz minnatdorlik bilan, qizingiz

Nasiba ATAMURODOVA
Surxondaryo viloyati,
Oltinsoy tumani, «Shakar qamish»
mahalla fuqarolar yig‘ini

28.04.2021

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati

Foydali resurslar