So‘nggi yillarda mamlakatimizda mas’ul idora rahbari tomonidan tashkil etilayotgan sayyor qabullar samarali natija berib kelmoqda.

Joriy yilning 7 aprel kuni  O‘zbekiston Respublikasi Bosh prokuraturasi huzuridagi Majburiy ijro byurosi vakillari ishtirokida sayyor qabul  bo‘lib o‘tdi. Unga ko‘ra, poytaxt aholisi tomonidan Majburiy ijro byurosi organlari faoliyati bilan bog‘liq bo‘lgan murojaatlari o‘rganildi, muammolarga yechim topildi.  

Sayyor qabul davomida fuqaro M.Isamatovaning, lizing asosida olingan avtotransport vositasi hozirda qidiruvdaligi va unga egalik qilishi haqidagi, fuqaro A.Muslimovning qarzdor B.Imamovadan undiruvchi R.Imamov foydasiga jami 160 mln. so‘m miqdorida  qarzdorlikni undirish haqidagi, shuningdek, E.Yo‘ldoshevning qizi S.Yuldoshevaning foydasiga qarzdor Sh.Usarovdan aliment undirish to‘g‘risidagi murojaatlar tegishli mas’ul xodimlar nazoraiga olinib, zudlikda yechim  topish uchun choralar belgilandi.

Shuningdek, tadbir davomida fuqarolardan Ye.Matveyeva,  M.Xasanbayeva, N.Botiraliyevalar ham  sayyor qabulda o‘z murojaatlariga yechim topishdi.  

Jumladan, N.Botiraliyeva sayyor qabulga murojaat bilan emas balki, byuro rahbariyatiga o‘z tashakkurini bildirish uchun tashrif buyurganini bildirib, o‘z vaqtida aliment pullari undirib berilayotganini e’tirof etib o‘di.

Xulosa o‘rnida,  Byuro organlariga kelib tushayotgan har bir murojaatning o‘z vaqtida yechimini topishda fuqarolar soha faoliyatidan rozi bo‘lishi yo‘lida har bir murojaat e’tiborda va amalda ijobiy  yechim topilishiga harakat qilinmoqda.