2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Prezident tanqid qilgan Bunyodkor mahallasida ish boshlandi

Davlatimiz rahbari mutasaddilarga zarur muhandislik tarmoqlarini tortib, mahalladagi sharoitlarni yaxshilash bo‘yicha ko‘rsatma bergan edi.

O‘zbekiston Respublikasi Prezidenti Shavkat Mirziyoyev shu yilning 18-19 fevral kunlari Namangan viloyatiga tashrifi chog‘ida shahar chekkasidagi Bunyodkor mahallasini borib ko‘rib, bu yerdagi ahvol mahalla nomiga zid ekanligi, aholining farovon turmushi uchun zarur bo‘lgan infratuzilma talab darajasida emasligini keskin tanqid qilgandi.

Davlatimiz rahbari mutasaddilarga zarur muhandislik tarmoqlarini tortib, mahalladagi sharoitlarni yaxshilash bo‘yicha ko‘rsatma bergan edi.

“Namangan hududiy elektr tarmoqlari korxonasi” aksiyadorlik jamiyati ham Prezidentimizning haqli e’tirozlaridan tegishli xulosa chiqargan holda va tegishli ko‘rsatmalari ijrosini ta’minlash maqsadida 12 ming kishi istiqomat qiladigan chekka hududda tarmoq tortish ishlarini izchillik bilan olib bormoqda.

Davlatimiz rahbarining 2016 yil 23 noyabrdagi “2017 — 2021 yillarda past kuchlanishli elektr tarmoqlarini yanada modernizatsiya qilish va yangilash dasturi to‘g‘risida”gi qarori bilan tasdiqlangan dastur doirasida “Bunyodkor” mahalla fuqarolar yig‘ini hududiga aholi iste’molchilarini sifatli elektr energiyasi bilan ta’minlash uchun 95 dona yangi temir-beton tayanch, qo‘shimcha 250 kVAli transformator punkti va 3.4 kilometr masofa bo‘ylab yangi tarmoq qurish ishlari amalga oshirilmoqda.

– To‘g‘risi, qachon bizning mahallada ham o‘zgarish bo‘larkin, qachon hokimlarning, rahbarlarning qadami yetarkin, degan o‘y bizni ancha yillardan beri qiynab kelardi, – deydi Bunyodkor mahallasi “Ustalar” ko‘chasi, 62-xonadonda yashovchi Gulnora Jumaxunova. – Orzu-istaklarimiz 30 yil deganda, davlatimiz rahbarining tashrifidan keyin ro‘yobga chiqayotganidan xursandmiz. Prezidentimiz tashrifining ertasigayoq mahallamizda ulkan o‘zgarishlar boshlandi. Ayniqsa, o‘nqir-cho‘nqir yo‘llarimiz, g‘ira-shira yonadigan chiroqlarimiz, bizni jiddiy xavotirga solib keladigan toza ichimlik suvi muammolariga yechim topilayotgani behad quvonarlidir.

Mazkur ishlar natijasida iste’molchilarning elektr energiyasi bilan bog‘liq e’tirozlari bartaraf etiladi.

Mahallada olib borilayotgan tarmoq tortish ishlari “Sanoat”, “Gaiston”, “Mustaqillik 10 yilligi”, “Sardor”, “Chorvador”, “Bog‘bon”, “Yangi zamon”, “Bahor” ko‘chalarini qamrab olmoqdaki, bu ushbu hududlar yorug‘ligini ta’minlaydi. Xonadonlarda elektr ta’minotini bir maromda kechishiga xizmat qiladi.

26.02.2021

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati

Foydali resurslar