2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Toshkent viloyati hokimi ko‘ngli yarim insonlar holidan xabar oldi

Bayram kunlarida bemorlar, nochor va ko‘ngli yarim insonlar holidan xabar olish xayrli ishlardan biri sanaladi.

Toshkent viloyati hokimi Rustam Xolmatov har yili Yangi yil bayrami kuni aynan shunday bemorlar, ehtiyojmand va ko‘ngli yarim insonlar holidan xabar olishni an’anaga aylantirgan.

Viloyat rahbari dastlab O‘rta Chirchiq tumaning "Oqota" mahalla fuqarolar yig‘inida yashovchi G. Arziqulovalar xonadoniga tashrif buyurdi.  

Gulchehra opaning o‘g‘li og‘ir darddan aziyat chekib, anchadan beri muolaja oladi. Viloyat hokimi ayol bilan muloqotda bu xonadonga kelgusida ham zarur yordam ko‘rsatish, ushbu oilaning munosib hayot tarzini ta’minlash bo‘yicha mutasaddilarga tegishli topshiriqlar berdi.  

O‘rta Chirchiq tumani "Sholikor" MFYda baxtsiz falokat tufayli turmush o‘rtog‘idan ayrilib, ikki nafar o‘g‘lini voyaga yetkazayotgan Dildora Ismoilova yashaydi. Ular bilan suhbatda viloyat hokimi yigitlarning  kelgusi hayoti, o‘qish va ishlari bilan qiziqdi. Ayolning katta o‘g‘ilini kasbga o‘rgatish va uni ishga joylashtirish bo‘yicha taklif bildirdi.  

Keyingi manzil  -  Yuqori Chirchiq tumani "Qorasuv" MFYda istiqomat qiluvchi fuqaro  Anipa Po‘latova xonadoni bo‘ldi. Taqdir taqazosi bilan onaxonning uch nafar farzandidan ikkisi hamda eri nogiron. Rustam Xolmatov ushbu oilga bayram sovg‘alarini ulashdi. Zarur oziq-ovqat mahsulotlari berildi.  

Viloyat rahbari hududdagi shu kabi yana bir necha yurtdoshlarimiz xonadonida bo‘lib, ularni ham  bayram bilan qutladi. Yangi yil bayrami munosabati bilan o‘z sovg‘alarini topshirdi.  

03.01.2021

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Иш ҳақи ва унга тенглаштирилган тўловларни ундиришIshonch telefoni5 Iyun 202117 Iyun 2021Andijon viloyati

Foydali resurslar