2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Куз-қиш мавсумига энергетика соҳаси тайёрми?

Олий Мажлис Қонунчилик палатаси Саноат, қурилиш ва савдо масалалари қўмитаси Энергетика вазирлигининг аҳоли ва ишлаб чиқариш қувватларини электр энергияси ва газ билан таъминлаш борасида амалга оширилаётган ишлар самарадорлиги тўғрисидаги ахборотини эшитди.

Юртимизда 2020-2021 йиллар куз-қиш мавсумига энергетика соҳасини тайёрлаш ҳамда ёқилғи-энергетика ресурсларини аҳоли, ижтимоий соҳа ва иқтисодиёт тармоқларига барқарор етказиб бериш тизими жорий этилиб, ушбу тизим доирасида Энергетика вазирлигининг марказий ва ҳудудий штаблари ташкил этилди.

Шунингдек, келаётган куз-қиш мавсумига энергетика объектларини сифатли тайёрлаш бўйича комплекс чора-тадбирлар ишлаб чиқилиб, амалга оширилди. Электр энергияси таъминоти бўйича жорий йилнинг октябрь ойидан 2021 йил март ойига қадар республиканинг жами эҳтиёжи 40 миллиард 816 миллион кВатт-соатни ташкил этиши кўзда тутилган. Электр энергияни аҳолига беталофат етказиш мақсадида электр узатиш тармоқларида 400 дан ортиқ трансформатор, 600 тонна трансформатор мойи, 100 тонна сим захираси ҳамда 450 та авария-тиклаш бригадалари ташкил қилинган.

Бугунги кунда истеъмолчиларни кўмир билан таъминлашда умумий сиғими 362 минг тонна бўлган 91 та омбор хизмат қилмоқда. Улар 84 та электрон автотарози, 126 та махсус техника ва кунлик ишлаб чиқариш қуввати 4,4 минг тонна бўлган 86 та брикет ускуналари билан таъминланган. Йил якунига қадар республика истеъмолчиларига жами 6 миллион 995 минг тонна кўмир маҳсулотларини ўз вақтида етказиб бериш режалаштирилган.

 

7.JPG

 

9.JPG


Жорий йил 1 ноябрига қадар 14 минг 311 та ижтимоий соҳа ташкилотларига 405 минг тонна ҳамда 1 декабрига қадар 2 миллион 700 мингта аҳоли хонадонларига 600 минг тонна маҳаллий кўмир етказиб берилади. Айни кунга қадар аҳоли эҳтиёжлари учун 116,1 минг тонна ва ижтимоий соҳа ташкилотлари учун 254,3 минг тонна маҳалий кўмир етказиб берилган.

Қўмита эшитувида таъкидланганидек, табиий газ таъминоти соҳасида жорий йил 1 ноябрга қадар 74 километр газ қувурлари мукаммал таъмирланиши, 44 километри реконструкция қилиниши, 605 та газ тақсимлаш пункти мукаммал таъмирланиши, 80 минг 334 таси техник тафтишдан ўтказилиши кўзда тутилган. 6 минг 779 километр қувурлар босим остида синалиши ва тозаланиши ҳамда 5 минг 289 километр ер ости қувурлари махсус приборлар ёрдамида текширилиши белгиланган.

Эшитувда халқ вакиллари учраётган камчиликларни бартараф этиш бўйича бир қатор таклифлар берди. Хусусан, депутат Нодир Тилаволдиев таъкидлаганидек, сайлов округларидаги ҳолатлардан келиб чиқиб айтиш мумкинки, жойлардаги аҳолини қийнаётган энг глобал масала куз-қиш мавсумида хонадонларини иситиш, қишдан соғ-омон чиқиб олишдир. Табиий газ маҳаллий аҳолига узлуксиз етказиб берилса ва ундан самарали фойдаланиш назоратга олинса, экспортга сотиладиган нархга яқин нархларда аҳоли табиий газни бажонидил сотиб олади. Энг асосийси, оз бўлса-да, халқнинг оғирини енгил қилади.

 

13.JPG

 

14.JPG

 


Истеъмолчиларни суюлтирилган газ билан барқарор таъминлаш учун қўшимча чоралар белгиланган бўлиб, хусусан, аҳолига 386 минг тонна ёки режадан 80 минг тонна кўп суюлтирилган газ етказиб бериш мўлжалланган. Бунинг учун мавжуд қурилмаларда қўшимча 8 минг тонна ва янги лойиҳаларни ишга тушириш ҳисобига 72 минг тонна суюлтирилган газ ишлаб чиқарилади. Бундан ташқари, истеъмолчиларга суюлтирилган газ етказиб бериш ва тўловлар жараёнининг автоматлаштирилган тизими йил охиригача жорий этилади. Бунинг учун график асосида 3,5 миллион дона ID-карталар ва 4,5 миллион дона бар-кодли махсус ёрлиқлар харид қилинади.

Қўмитанинг тегишли қарори қабул қилинди.

 

18.JPG

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси

Фойдали ресурслар