Андижон шаҳар ҳокими Баҳромжон Ҳайдаров шаҳардаги Aлишер Навоий номли маданият ва истироҳат боғида сайёр қабул ўтказди.
Халқнинг дардини ҳис қилиб яшаш, одамларнинг муаммо ва ташвишларини ҳал этиш бугун ҳар бир раҳбарнинг биринчи галдаги вазифаси ҳисобланади. Ана шундан келиб чиқиб, ўтказилган қабулда шаҳар ҳокими 100 нафардан ортиқ фуқаро билан мулоқот қилиб, уларнинг қийнаётган масалаларни ҳал этишга ҳаракат қилди.
Қабулда ахолининг аксарияти уй-жой, моддий ёрдам олиш, бандлик, ишга қайта тиклаш, кредит ажратилишига кўмаклашиш, тиббий хизмат, тадбиркорликни ривожлантириш ҳамда йўлларни таъмирлаш каби масалалар юзасидан мурожаат қилди.
Бир қатор фуқароларнинг мурожаатлари шу ернинг ўзида ҳал этилди.
– Ота-онам ўтиб кетган, – дейди Андижон шаҳри Хурсандлик маҳалласида яшовчи Патидин Қодиров.
– Ўз уйим йўқлиги учун қариндошларимникида яшайман. Мавсумий ишлар билан шуғулланиб, тирикчилик ўтказаман. Қабулда ҳокимимизга уй олишда ёрдам кўрсатишини сўраб мурожаат қилдим.Очиғи, мени қийнаётган муаммо бу қадар тез ҳал бўлади, деб ўйламаган эдим. Шаҳар ҳокими суҳбатимиздан сўнг менга Андижон шаҳридаги оилавий ётоқхонадан алоҳида уй ажратиб берадиган бўлди.
Сайёр қабулда шаҳар ҳокими аксарият мурожаатларни ижобий ҳал этиш юзасидан мутасадди ташкилотлар раҳбарларига тегишли топшириқлар берди.
Президентимиз ташаббуси билан одамларнинг муаммо ва ташвишларини ҳал этиш, оғирини енгил қилиш йўлида олиб борилаётган бу каби хайрли ишлар, фуқароларга кўрсатилаётган эътибор ва ғамхўрлик юртдошларимизнинг давлатга, эртанги кунга бўлган ишонч ва умидини янада мустаҳкамламоқда.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |