2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Президент маслаҳатчиси ўринбосари Амударё туманида сайёр қабул ўтказди

Аҳоли мурожаатлари билан ишлаш, одамларнинг муаммо ва таклифлари асосида жойлардаги масалаларни ҳал этиш мақсадида Ўзбекистон Республикаси Президенти маслаҳатчиси ўринбосари А.Усмонов бошчилигидаги республика ишчи гуруҳи томонидан Қорақалпоғистон Республикасининг шаҳар ва туманларида оммавий қабуллар ўтказилмоқда.

Ишчи гуруҳнинг навбатдаги сайёр қабули Амударё туманида ўтказилди.

 

photo_2020-09-18_21-18-07.jpg


- Ҳукумат раҳбарларининг аҳоли билан бевосита мулоқотга кириши, айниқса, сайёр қабуллар ташкил этиб, мурожаатчилар ҳузурига бориши халқимизнинг адолатга, давлатга, эртанги кунга бўлган ишончини янада мустаҳкамлашга хизмат қилмоқда. Энг муҳими, очиқ мулоқотларда аҳолига муносиб иш ва турмуш шароити яратиш борасида бор куч ҳамда имкониятлар ишга солинмоқда. 

 

Бундай саъй-ҳаракатлар юртдошларимизнинг мамлакатимизда олиб борилаётган ислоҳотларга дахлдорлик ҳиссини юксалтириб, дунёқарашини тубдан ўзгартириш, яратувчанлик ва ташаббускорлигини оширишга замин яратмоқда, – дейди Ўзбекистон Республикаси Президентининг Амударё туманидаги Халқ қабулхонаси мудири Эркин Ражабов.

 

photo_2020-09-18_21-18-17.jpg


Сайёр қабулда амударёлик аҳолининг мурожаат ҳамда таклифлари тингланиб, улардан турли масалаларга оид, хусусан, чорвачилик комплекси учун ер майдони ажратиш, 100 ўринли мактабгача таълим ташкилотининг қурилишини якунига етказиш учун имтиёзли кредит ажратиш, фермер хўжаликка трактор сотиб олиш учун кредит ажратиш, Амир Темур номли овул ҳудудидаги хонадонларнинг томорқа ерларини оқар сув ҳамда ичимлик суви билан таъминлаш мақсадида 2 та ер ости қудуғи қазиш каби масалалар бўйича амалий ёрдам сўралган мурожаатлар қабул қилинди.

Қабул давомида тумандаги ижтимоий ҳимояга муҳтож аҳоли қатлами вакилларини янада қўллаб-қувватлаш мақсадида ногиронлиги бўлган, жисмоний имконияти чекланган фуқароларга ногиронлик аравачалари топширилди.

 

photo_2020-09-18_21-18-23.jpg


Шунингдек, мутасаддилар тумандаги табиий газ етиб бормайдиган Ўртақалъа овули Aрна бўйи маҳалласидаги хонадонларга газ баллонларини топширди.

Сайёр қабул карантин қоидаларига амал қилинган ҳолда, очиқ мулоқот тарзида ўтди. Қабул жараёнида фуқаролар мурожаат ҳамда таклифлари инобатга олиниб, ҳар бири тегишли мутасадди ташкилотлар билан келишилган ҳолда ижобий ҳал қилинди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар