2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Вилоят ҳокими камбағал оилага уй олиши учун бошланғич тўловни тўлаб берадиган бўлди

Андижон вилояти ҳокими Шуҳратбек Абдураҳмонов Андижон шаҳридаги Чўлпон 100 йиллиги маҳалласида истиқомат қилувчи кам таъминланган, қийин шароитда яшаётган оилалар, ногиронлиги бор ва боқувчисини йўқотган фуқаролар хонадонларида бўлди.

Президентимиз жорий йил 21-22 май кунлари Андижон вилоятига ташрифи давомида вилоятда қийин шароитда яшаётган 40 мингдан зиёд оилаларни қўллаб-қувватлаш, уларнинг бандлигини, яъни доимий даромад манбаи билан таъминлаш орқали камбағалликдан чиқариш бўйича топшириқлар берган эди. Айни пайтда давлатимиз раҳбарининг топшириғи бўйича вилоятда кенг кўламли ишлар олиб борилмоқда.

 

photo_2020-09-14_19-12-29.jpg


Вилоят ҳокими Шуҳратбек Абдураҳмонов Андижон шаҳридаги Чўлпон 100 йиллиги маҳалласида истиқомат қилувчи кам таъминланган, ногиронлиги бор ва боқувчисини йўқотган фуқаролар хонадонларида бўлиб, улар билан суҳбатлашди, ана шу оилаларни қийнаб келаётган муаммо ва камчиликларни бартараф этишга ёрдам берди.


Мазкур маҳалланинг Шаҳрихон тор кўчасида яшовчи Умидахон Маллабоева оиласи ўта оғир шароитда яшайди. Оиланинг уч нафар фарзанди бор. Вилоят ҳокими оиланинг яшаш шароити билан танишиб, хонадонга икки хонали уй, ҳаммом қуриб бериш юзасидан мутасаддиларга топшириқ берди. Шу куннинг ўзидаёқ қурилиш ишлари бошланди.

 

photo_2020-09-14_19-12-25.jpg


Мазкур маҳаллада яшовчи фуқаро Бахтиёржон Ахуновнинг кўзи ожиз, биринчи гуруҳ ногирони. Торгина хонадонда уч оила, яъни ўзи, турмуш ўртоғи ҳамда икки фарзанди оиласи билан истиқомат қилади. Уй-жойга муҳтож эканлигини ҳисобга олиб, вилоят ҳокими ушбу оилага кўп қаватли уйлардан 2 хонали квартира олиши учун бошланғич тўловни тўлаб берадиган бўлди. Шунингдек, ўз хонадонларида қандолатчилик йўналишида тадбиркорликни йўлга қўйишлари учун 30 миллион сўм кредит ажратиш бўйича банк мутасаддиларига топшириқ берди.

Вилоят ҳокими яна бир неча хонадонда бўлиб, уларга ҳам зарур ёрдамлар кўрсатди. Шу тариқа маҳалладаги қатор кам таъминланган оилалар қўллаб-қувватланди, уларни камбағалликдан чиқариш, даромад топишлари учун имкониятлар яратиб берилди.

 

photo_2020-09-14_19-12-18.jpg


– Маҳалламиздаги 622 хонадонда 1 минг 100 оила таркибида 4 минг 600 нафар аҳоли яшайди, – дейди «Чўлпон 100 йиллиги» маҳалла фуқаролар йиғини раиси Неъматжон Чўлиев. – Йил бошида маҳалламизда 72 та оила темир дафтарга киритилган бўлса, ҳозирда уларнинг сони 29 тага тушди. Бир қатор оилаларга тадбиркорлик учун кредитлар ажратилди, қатор оила вакиллари доимий даромад келтирадиган ишларга жойлаштирилиши ҳисобига камбағал оилалар сони қисқартириб борилмоқда.

Вилоятда аҳолини камбағалликдан чиқариш борасида юқоридаги каби ишлар изчил ва тизимли равишда олиб борилмоқда.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Суғурта фаолиятиПрезидент почтаси19 Сентябрь 202427 Сентябрь 2024Фарғона вилояти
Светофор, радар ва йўл белгиларини ўрнатиш, пиёдалар ўтиш йўлини чизишИшонч телефони31 Август 202410 Сентябрь 2024Хоразм вилояти
Янги МТТ қуришИшонч телефони23 Август 202428 Август 2024Тошкент шаҳри
Иш ҳақи тўлаш билан боғлиқ муаммоларИшонч телефони20 Август 202430 Август 2024Қорақалпоғистон Республикаси
Иш ҳақи, устама ҳақ ва қўшимча тўловларни ҳисоблаш ва тўлашИшонч телефони13 Август 202424 Август 2024Сурхондарё вилояти

Фойдали ресурслар