Самарқанд вилояти ҳокими Э.Турдимов коронавирус пандемияси туфайли қарийб олти ойлик танаффусдан сўнг яна жойларда сайёр қабулларни ўтказишни бошлади.
Дастлабки шундай тадбир 5 сентябрь куни вилоятнинг энг олис Пахтачи туманида ўтказилди.
Аҳолининг тадбиркорлик учун ер ва кредит, уй-жой, коммуникация тармоқларини янгилаш билан боғлиқ 350 дан ортиқ мурожаатлари шу ернинг ўзида вилоят сектор раҳбарлари, тегишли бошқарма ва идоралар масъуллари иштирокида ўрганилди. Вақт талаб қиладиган масалалар учун аниқ муддат белгиланиб, ижрога масъуллар тайинланди.
Жумладан, Янгиобод ва Қиргули маҳалласига темир йўлдан остидан ўтувчи ер ости йўли ёритилмаслиги, «Пахтачи гўзали» савдо мажмуасининг кўркини бузиб турган эски биноларни олишга тўсқинлик қилаётганларга чора кўриш, суюлтирилган газ баллонлари етказиб беришдаги муаммоларга тезкор ечим топилди. Мойчечак доривор ўсимлиги етиштирмоқчи бўлаётган фуқарога зарур ёрдам кўрсатиш тўғрисида мутасаддиларга аниқ вазифа берилди.
7 сентябрь куни эса Самарқанд шаҳрида ўтказилган сайёр қабулга ҳам нафақат шаҳар аҳолиси, балки вилоятнинг бошқа ҳудудларидан ҳам юридик ва жисмоний шахслар қатнашди.
Жумладан, Қўшработ туманидан II гуруҳ ногирони бўлган аёл оёғини операция қилиб, эндопротез қўйишда ёрдам сўради. Жавоб қисқа ва лўнда бўлди: тегишли мутасаддилар бу ишни 10 кун ичида амалга оширади.
Қабул давомида айни шу масалада Самарқанд шаҳридан яна бир фуқаро ҳам мурожаат қилди. Унга ҳам вилоят бюджетидан ажратилган маблағ асосида жарроҳлик амалиёти билан эндопротез ўрнатиладиган бўлди.
Сайёр қабул давомида тиббий хизмат билан боғлиқ 15 та мурожаат бўлди. Уларнинг ҳар бири бўйича масъулларга тегишли топшириқлар берилди.
Самарқанд шаҳридаги сайёр қабулда 475 та мурожаат тушди ва уларнинг ҳар бири назоратга олинди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |