Сурхондарё вилояти ҳокими Тўра Боболов Сариосиё тумани марказидан 110 километр узоқликда жойлашган Кундаижувоз қишлоғи аҳолиси билан учрашди.
Вилоят ҳокимлиги ахборот хизматининг маълумот беришича, воҳанинг биринчи раҳбари мазкур қишлоқда жорий йилнинг январь ойида ҳам бўлиб, уларнинг турмуш тарзи ва яшаш шароити билан танишган эди. Аҳолининг турли масалалардаги мурожаатларини тинглади.
– Вилоят ҳокими қишда келганида яшаш шароитимизни кўриб, қишлоқни электр энергияси билан таъминлаб беришни ваъда қилган эди, – дейди 103 ёшдаги Бибиниёз момо Сатторова. – Кўп ўтмай қишлоғимизга замонавий қуёш батареяси ўрнатилиб, хонадонлар тунда ҳам ёруғ бўлиб қолди. Бу учун миннатдормиз. Илоҳим, юртимиз тинч, обод бўлаверсин.
Олис тоғли қишлоқдаги 43 хўжаликда 200 га яқин аҳоли истиқомат қилади. Бу сафарги суҳбат чоғида улар уяли телефон алоқаси хизматини йўлга қўйиш, қўшимча маиший газ баллонлари етказиб бериш, 46- умумий ўрта таълим мактабини мебель жиҳозлари ҳамда замонавий компьютер жамланмаси билан таъминлашга кўмаклашишни сўради.
Вилоят ҳокими фуқаролар мурожаатини қисқа муддатда ижобий ҳал этиб, чекка тоғли ҳудудда яшаш ва таълим олиш учун муносиб шароит яратиш, қишлоқ одамларининг бандлигини таъминлаш юзасидан мутасаддиларга тегишли вазифалар юклади.
Кам таъминланган ва ногиронлиги бор оилаларга 10 турдаги озиқ-овқат маҳсулотлари, кийим-кечак, уй-рўзғор буюмлари ва дори-дармон воситаларини топширди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Янги МТТ қуриш | Ишонч телефони | 23 Август 2024 | 28 Август 2024 | Тошкент шаҳри |
Электр энергияси таъминотидаги узилишлар | Ишонч телефони | 28 Июнь 2024 | 19 Июль 2024 | Сирдарё вилояти |
Шартнома ва битим шартларининг бажарилмаслиги | Веб-сайт | 3 Апрель 2024 | 24 Июнь 2024 | Тошкент вилояти |
Шартнома ва битим шартларининг бажарилмаслиги | Ишонч телефони | 24 Июль 2024 | 10 Август 2024 | Сирдарё вилояти |