Коронавирус пандемияси туфайли халқимиз синовли кунларни бошдан ўтказмоқда

Бу борада юртимизда аҳоли саломатлигини муҳофаза қилиш ва уларга зарур шароитлар яратиш, кам таъминланган, ногиронлиги бор фуқаролар ҳамда боқувчисини йўқотган оилалар ҳолидан хабар олиш каби эзгу ишлар кўлами янада кенгаймоқда.

Ана шундай эзгу ишлардан яна бири Миллий гвардиянинг Жиззах вилояти бўйича бошқармаси ҳамда Ёшлар иттифоқи Жиззах шаҳар кенгаши билан ҳамкорликда уюштирилди. “Покиза инсонлар номидан“, деб номланган хайрия тадбирида кам таъминланган ва ногиронлиги бор фуқароларнинг ҳолидан хабар олинди. Уларга озиқ-овқат маҳсулотлари, тиббий ниқоб ва қўлқоплар, фарзандлари учун эса бадиий китоблар туҳфа этилди. Шу билан бирга хонадонлари дезинфекция қилиниб, шахсий гигиена қоидалари ва соғлом турмуш тарзи тамойилларига доим амал қилиш кераклиги хусусида тушунтириш ишлари олиб борилди.