“Обод қишлоқ” дастури асосида Жўш қишлоғидаги йигирмага яқин мактаб ва мактаб филиалларида реконструкция, таъмирлаш ишлари амалга оширилди. 150 ўринли боғча, 150 ўринли замонавий шифохона қурилиб, зарур жиҳозлар билан таъминланди.

Дастурга кўра, Жўшдаги деҳқон бозори ҳам тубдан янги қурилди. 1200 савдо растасига эга ушбу мажмуада олис қишлоқ аҳолисига замонавий савдо хизматлари кўрсатиш учун шарт-шароит яратилди. Шарқ ширинликлари, барча жойда харидоргир Қўшработ майизи, нон ва нон маҳсулотлари, миллий ҳунармандлик буюмлари сотиш учун алоҳида савдо павилонлари қурилган. Бозор атрофида эса тадбиркорларга юзга яқин савдо ва хизмат кўрсатиш нуқталари ажратилиб, улар бир хил лойиҳа асосида бунёд этилди.

Бир неча асрлик тарихга эга Жўш ота масжид мажмуаси таъмирланди.

Кенг жамоатчилик вакиллари шу ва бошқа объектлар билан танишди.