Шимоли-ғарбий ҳарбий округ ҳарбийларидан ташкил топган “Ватанпарварлик карвони”нинг навбатдаги манзили – Қорақалпоғистон Республикасининг Шуманай туманидаги "Маданият" овули бўлди.
Бу ҳақда Шимоли-ғарбий ҳарбий округ матбуот хизмати ЎзАга маълум қилди.
Шуманай тумани Қорақалпоғистон маркази – Нукус шаҳридан 75 километр узоқликда жойлашган. Даставвал эзгу ният билан йўлга отланган карвонни тумандаги 12-болалар мусиқа ва санъат мактаби ўқувчилари муносиб кутиб олди. Нукус гарнизони Маънавият ва маърифат марказининг ҳарбий оркестри ижросидаги концерт дастури садолари ҳамда мактаб ўқувчиларининг ҳарбийча чиқишлари йиғилганларда юртга бўлган садоқат, ватанпарварлик ва фидойилик туйғуларини жўш урдирди.
Тантанали тадбирда Шимоли-ғарбий ҳарбий округ қўшинлари қўмондони полковник Дилшод Чориев, Нукус ҳарбий прокурори ёрдамчиси адлия майори Алишер Қурбонов ва Шуманай тумани ҳокими Баҳодир Янгибоев мамлакатимизда ёш авлодни ватанпарварлик руҳида тарбиялаш энг муҳим, устувор вазифалардан бири эканини таъкидлади.
Шунингдек, округ қўшинларида ўз йигитлик бурчини ўтаётган муддатли ҳарбий хизматчилар ҳамда шуманайлик ўқувчиларнинг кўргазмали мусиқий чиқишлари йиғилганларнинг олқишига сазовор бўлди.
Жанговар техника ва қурол-аслаҳалар кўргазмаси туман йигит-қизларининг ҳайратига сабаб бўлди. Тадбир иштирокчилари ҳарбий ошхона учун мўлжалланган озиқ-овқат маҳсулотлари ва тансиқ таомлардан татиб кўрди.
– Ана, кўринмас одам, – дейди жажжи болакай тенгқурларига ҳаяжонини яширмай.
– Улар дала шароитига мос кийинган снайперчилар, – дея маълумот беради муддатли ҳарбий хизматчилардан бири юзида нимтабассум билан. – Ғаним кўзига ташланмай, қўққисдан ўқ узиш учун улар шундай либосда юради.
Тадбир доирасида Шуманай туманидаги 7-мактаб ўқитувчиси Ражаб Маденов “Энг яхши чарқирувга қадар бошланғич тайёргарлик фани ўқитувчиси” кўрик-танловида ғолиб чиққани учун диплом билан тақдирланди.
Мухтасар айтганда, бу ерда жам бўлган аҳоли вакилларининг дилидаги қувонч байрамона кайфиятга уланди. Байрам эса куй-қўшиқ, дилтортар мусиқий наволарсиз ўтмади.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |