Ўзбекистон хотин-қизлар Қўмитасининг эшиклари доим очиқ. Аёлларимизни тинглаб, уларга кўмаклашишга, қўллаб-қувватлаб, улар дуч келаётган муаммоларни ҳал қилишга тайёр.

Ҳар куни қўмитанинг фуқаролик бўлимига юзлаб аризалар келиб тушади. Ҳафтанинг ҳар пайшанба куни Ўзбекистон Республикаси Бош вазири ўринбосари, Хотин-қизлар қўмитасининг раиси Эльмира Боситхонова томонидан ариза билан мурожаат қилаётган фуқаролар шахсан қабул қилинади.

Навбатдаги фуқароларни қабул қилиш куни давомида Э.Боситхонова мамлакатимизнинг турли ҳудудларидан келган 52 аёл билан учрашиб, уларнинг тақдир ва дардлари билан танишди.

Қўмита раиси ҳар бир аёлни алоҳида эътибор ва ҳамдардлик билан тинглади... Аризаларнинг аксарияти бўйича шу куннинг ўзидаёқ тегишли ташкилотларга мурожаатномалар юборилди.

“Мансабни ҳар куни одамларга яхшилик қила олиш имконияти деб биламан”, дейди Э.Боситхонова.

Республикамизда аёлларнинг ҳуқуқлари ва қонуний манфаатларига сўзсиз риоя этишни таъминлаш, оналик ва болаликни ҳар томонлама қўллаб-қувватлаш, шунингдек, оила институтини мустаҳкамлаш бўйича кенг кўламли ишлар олиб борилмоқда.

Шунга қарамай, бир қатор тизимли муаммолар бу борада муҳитни мустаҳкамлаш ва яхшилашнинг самарали механизмларини яратишга тўсқинлик қилмоқда.

Масъулият – муваффақиятнинг муҳим омилидир. Ўз вазифасига масъулият билан ёндашиш – самимий меҳнат, масъулият билан қабул қилинган қарор, берилган ваъдаларга риоя қилиш, натижага эришиш учун қўшимча меҳнат қилиш – ҳар бир раҳбарнинг энг муҳим вазифасидир!