2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Вилоят ҳокими сайёр қабул ўтказди: Муаммолар ҳал бўладими?

Жойларда ўтказилаётган сайёр қабул ва учрашувлар аҳолини қийнаётган долзарб муаммоларни ўрганишда муҳим аҳамият касб этади. Бухоро вилояти ҳокими Ўктам Барноевнинг Жондор тумани “Қароли” маҳалла фуқаролар йиғини Янгимозор қишлоғида ўтказган сайёр қабулида ҳам муаммоларга алоҳида эътибор қаратилди.

Жондор шаҳарчасидан 30 километр олисда жойлашган мазкур қишлоқда 1200 дан зиёд аҳоли яшайди. Каттагина ҳудуднинг ижтимоий- иқтисодий муаммолари ҳам шунга яраша экан. Аҳоли вакиллари расмийликдан холи бўлган учрашувни ўзларини ташвишга солган муаммоларнинг ечими топиладиган ошкора мулоқот имконияти, деб билди. 

 

photo5208516611366038345.jpg


Меҳнат бандлиги – кишилар фаровонлигини ошириш билан боғлиқ муҳим масалалардан бири. Маълум бўлдики, мазкур йўналишда Янгимозорда аҳвол яхши эмас. Ҳудудда учта фермер хўжалик бўлиб, уларда атиги 17 киши меҳнат қилар экан. Кичик тадбиркорлик субъектлари сони ҳам саноқли. Демак, вақтинча ишсизлик муаммосини ҳал этиш имконияти кам. 

 
Мулоқотда аёллар айнан шу масалани кўтаришди. Уларга бу ердан 7 километр олис ҳудудда барпо этилаётган ва замонавий технологик усуллар қўлланилаётган иссиқхоналарда ишлаш таклиф этилди.Тадбирда шахсий бизнесини бошлайдиган ёшларга ҳам тегишли шароит яратилиши таъкидланди.

 

photo5206503972511263919.jpg


–Мен ва дугонам Муштарийбону уйда тикувчилик билан шуғулланамиз,- дейди Ноила Ниёзқулова.– Буюртмаларни ўз вақтида бажаришимиз учун замонавий кўп функцияли, нархи уч миллион сўмдан зиёдроқ турадиган тикув машинкасини харид қилмоқчимиз. Аммо молиявий имкониятимиз йўқ. Биз учрашувда айни масалани кўтардик. Мутасаддилар, хусусан, банк ходимлари кредит ажратишни тезлаштиришга ёрдам беришини айтди.

Ҳудудда аҳолига маиший ва сервис хизматига эҳтиёж катта. Унинг ечими борми? Ҳудуддаги ширкат хўжалигининг собиқ клуби бу борада яхши имконият эканлиги назарда тутилиб, муассаса негизида қишлоқда ана шундай хизматларни ўз ичига олган гузар қуриш масаласи ўрганиб чиқилади ва лойиҳа ташаббускори қўллаб- қувватланади.

 

photo5208737819361651934.jpg


Янгимозор қишлоғидаги 19-умумий ўрта таълим мактабида 170 нафар ўғил-қиз билим олади. Билим масканининг асосий ўқув биноси бир неча йил илгари мукаммал таъмирланган. Аммо унинг ёнида 1982 йилда ҳашар йўли билан қурилган объектда жойлашган ва мослаштирилган 90 ўринли ўқув биноси маънавий эскирган, замонавий меъморчилик талабларига жавоб бермайди. Вилоят ҳокими таълим муассасасига бориб ўқувчилар ва ўқитувчилар билан ҳам суҳбатлашди. Танишув асносида 2020 йилда эски бино ўрнида замонавий таълимни АКТлар ва давлат таълим стандартлари асосида олиб бориш имкониятлари яратиладиган янги ўқув биноси қурилиши режалаштирилди. 


– Қишда ва ҳавонинг салқин пайтларида жисмоний тарбия ҳамда спорт машғулотлари олиб бориладиган спорт залимиз йўқ эди, – дейди спортчи ёшлар вакили 10- синф ўқувчиси Абдурасул Ҳайитов. – Бу муаммо ҳал этилишини орзу қилардик. Вилоят раҳбари янги ўқув биносидан ташқари, замонавий спорт зали қурилишини ҳам ваъда қилди. Бу навбатдаги ўқув йилида биз учун ажойиб совға бўлади.

 

photo5206183013900201199.jpg


Қишлоқда ижтимоий ёрдамга муҳтож оилалар, хусусан, туғма ва ёшликдан ногиронлиги бўлган инсонларни қўллаб -қувватлаш ҳам диққат марказида бўлди. Улар даволанишида ёрдам кўрсатиш тегишли мутасаддилар зиммасига юкланди. Вилоят ҳокими тавсиясига кўра, шу куннинг ўзида саломатлигида катта муаммо бўлган 5 нафар фуқаронинг ҳар бирига 5 миллион сўмдан моддий ёрдам кўрсатилди.


Учрашувда аҳоли вакиллари ичимлик суви етишмовчилиги, кўп йиллардан буён таъмирталаб бўлиб қолган йўлларни обод этиш, болаларнинг мактабгача таълим муассасасига тўла қамраб олиш билан боғлиқ муаммолар ва бошқа долзарб масалаларни ҳам ўртага ташлади.

 

photo5206317669714865086.jpg


Ижтимоий -иқтисодий ривожланишга тизимли ёндашилмаган муаммолар ҳудудда оз эмасди. Эътиборли жиҳати, уларнинг айримлари кун охиригача ҳал бўлди. Масалан, бир километрдан зиёд йўл текисланиб, шағал ётқизилди. Яккатутда йирик иссиқхона қурган тадбиркор Ғолиб Очилов 25 нафар кишини ишга қабул қилди. Уларга корхона автобуси хизмат кўрсатади.


Таъкидланишича, қолган масалалар ечими ҳам вилоят ҳокими назоратида бўлади. Сайёр қабул доирасида қишлоқ хўжалик маҳсулотлари, озиқ-овқа
т моллари ярмаркаси, тиббий кўрик ташкил этилди. Давлат хизматлари агентлиги ҳудудий бўлими, ФҲДЁ ҳам ўз хизматларини таклиф қилди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар