Томди тумани Давлат хизматлари маркази мутахассислари туманнинг олис ҳудудлари ҳисобланган Керегетау, Кериз ва Сукетти овулларидаги аҳолига давлат хизматларини кўрсатдилар.

умандан қарийб 100 километр узоқликдаги мазкур аҳоли ҳудудларида 422 та хонадон истиқомат қилади. 

Автобусда ҳар бир ҳудуд овул биносида, керак бўлса, узоқ аҳоли пунктлари, фермаларигача бориб хизмат кўрсатилди. 

Ҳудудда 3400 нафардан ортиқ фуқарога 5 та умумтаълим мактаби, 3 та мактабгача таълим муассасаси, 3 та қишлоқ врачлик пунктлари аҳоли хизматида. 

Одамларнинг давлат хизмати юзасидан қилган мурожаатларига мобиль автобуснинг ўзида сайёр хизмат кўрсатилди. 69 нафар фуқаро давлат хизматини вақтида оворагарчиликсиз, йўл юрмай, шундоқ овул фуқаролари биносида олганидан мамнун.

“Авваллари, ҳатто уй-жойлар кадастр ҳужжатларисиз қурилган, тадбиркорлар давлат рўйхатидан ўтмай, солиқ тўлабгина фаолият олиб борганлар, холос. Мана энди тадбиркорнинг ҳам, фуқаронинг ҳам юмуши осон битмоқда. Қанчадан-қанча ариза ва мурожаатлар қоғозларда қолиб кетганди. Энди чўлдаги одамлар мурожаати, истаги ҳатто, уйма-уй ўрганилмоқда, ечими топилмоқда“, дейди “Кериз“ овул фуқаролари йиғини раиси Алимбет Мейликулов.

Муҳриддин Нуруллаев

Томди тумани ДХМ директори