Нукус шаҳридаги “Қумбиз овул” маҳалла фуқаролар йиғинида мамлакатимиз мустақиллигининг 28 йиллиги арафасида 5 қаватли 450 хонадонли 10 та уй-жой фойдаланишга топширилди.

– Мазкур уй-жойдан 6 хонадон оғир ижтимоий вазиятга тушиб қолган, ногиронлиги бўлган, кам таъминланган ва уй-жой шароитини яхшилашга муҳтож 6 нафар аёлга берилди, – дейди Нукус шаҳри ҳокимининг ўринбосари, хотин-қизлар қўмитаси раиси Гулсара Абибуллаева. – Мазкур уй-жойларнинг бошланғич бадаллари Хотин-қизлар ва оилани қўллаб-қувватлаш жамоат фонди томонидан тўлаб берилди.

Ўтган йил мобайнида Қорақалпоғистон Республикаси бўйича оғир ижтимоий вазиятга тушиб қолган, жумладан, ногиронлиги бўлган, боқувчисини йўқотган, фарзандларини тўлиқсиз оилада тарбиялаётган уй-жойга муҳтож 145 нафар аёлга турар жой берилган.

Шундай қилиб, 450 хонадон истиқлолимиз байрамини янги уй-жойларда нишонламоқда.

Довуд АБИБУЛЛАЕВ, МАҚСАД ҲАБИБУЛЛАЕВ (сурат), ЎзА