Балиқчи туманида Жиноят, Фуқаролик, Маъмурий ва Иқтисодий ишлар бўйича Андижон вилоят судлари раислари томонидан сайёр қабул ўтказилди.
Қабул олдидан бўлиб ўтган тадбирда мамлакатимизда демократик ва эркин фуқаролик жамияти барпо этиш, фуқароларнинг ҳуқуқ ва эркинликларини ишончли ҳимоя қилиш кафолатларини кенгайтириш, одил судловга эришиш даражасини ошириш, суд, ҳуқуқ-тартибот идоралари ва кенг жамоатчилик ҳамкорлигини мустаҳкамлаш борасида кенг кўламли ишлар амалга оширилаётгани таъкидланди. Жиноят ишлари бўйича Балиқчи туман суди раиси М.Сиддиқовнинг ҳисоботи эшитилди.
Сайёр қабулда фуқароларнинг судларга тааллуқли 15 дан ортиқ мурожаати тингланди. Мурожаатлар юзасидан муҳокама ўтказилиб, зарур тавсия, тушунтириш ва ҳуқуқий маслаҳатлар берилди.
– Ҳар бир мурожаат ортида инсон, унинг манфаати ётади, – дейди Маъмурий ишлар бўйича Андижон вилоят суди раиси Отабек Мирзамаҳмудов. – Шу боис, мурожаатларнинг бирортаси эътибордан четда қолаётгани йўқ. Жумладан, қабул давомида маъмурий масалаларга оид 3 та мурожаат эшитилиб, уларнинг биттаси қаноатлантирилди, иккитаси бўйича ҳуқуқий тушунтириш берилди.
– Менга Балиқчи туман Маъмурий судининг қарори билан 1,5 йил муддатга транспорт воситасини бошқариш ҳуқуқидан маҳрум этиш жазоси тайинланган эди, – дейди Ғуломжон Турсунов. – Сайёр қабулда ушбу жазодан муддатидан илгари озод қилишни сўраб, вилоят Маъмурий суди раисига мурожаат қилдим. Мени қийнаётган ушбу масала туман Маъмурий судида кўриб чиқиладиган бўлди.
Сайёр қабул давомида 8 та мурожаат қаноатлантирилди, қолганлари бўйича ҳуқуқий маслаҳат ва тушунтиришлар берилди. Шу билан бирга, мурожаат қилувчиларнинг ҳуқуқий билимини ошириш юзасидан суҳбатлар ўтказилди.
Ф.УБАЙДУЛЛАЕВ, ЎзА
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |