“Обод қишлоқ” дастури муваффақиятли амалга оширилаётган Мирзачўл туманида 10 та янги “ISUZI” русумли автобуснинг қатнови йўлга қўйилиб, йўловчиларга катта қулайлик яратди.
“Мирзачўл Сервис авто” масъулияти чекланган жамияти томонидан харид қилинган автобуслар шу пайтгача митти автобуслар ва енгил таксилар қатнаётган “Гагарин – Тошкент” йўналишида йўловчиларга арзон хизмат кўрсатиши билан қўшимча қулайлик бўлди. Шунингдек, “Гагарин – Жиззах” йўналишида қатновчи автобуслар сонининг кўпайиши туфайли қатновлар оралиғи анча қисқариб, йўловчилар манзилга тезроқ етмоқда.
“Гагарин – Пахтазор”, “Гагарин – Гулзор” каби ички йўналишларида автобус қатновлари йўлга қўйилиши қишлоқлар аҳолиси, айниқса, Пахтазор қишлоқ хўжалиги касб-ҳунар коллежи ўқувчилари учун катта қулайлик яратди. Ҳозиргача бу йўналишларда автобус қатнамаслиги туфайли йўловчилар фақат енгил такси хизматидан фойдаланишга мажбур бўлаётган эди.
– Янги автобусларни тижорат банкининг 2 миллиард 750 минг сўм кредит маблағидан фойдаланиб харид қилдик, – дейди “Мирзачўл Сервис авто” масъулияти чекланган жамияти” раҳбари Қаҳрамон Абдураҳмонов. – Ҳар бир автобусда икки нафар киши ишлаяпти. Янги автобуслар келтирилиши билан 20 та иш ўрни яратилди. Энг муҳими транспорт хизматидан фойдаланишда йўловчиларнинг танлаш имконияти, соҳада рақобат пайдо бўлди.
Бундан аввалроқ Жиззах шаҳрини Фарғона водийси билан боғловчи ҳамда Ғаллаорол, Зомин, Фориш туманларида қишлоқларо янги автобус йўналишлари очилган эди.
Тошқул БЕКНАЗАРОВ, ЎзА
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |